Хаартыска: sakha.gov.ru
Балтараа ый устата 8 устудьуоннар этэрээттэрин 136 байыаһа «ОСТРОГ- 24» үлэ бырайыагын чэрчитинэн Дьокуускай куорат 8 уокуругун территориятын тупсарыахтара.
Ол курдук, устудьуоннар «Азия оҕолоро» норуоттар икки ардыларынааҕы успуорт оонньууларыгар бэйэлэрин кылааттарын киллэриэхтэрэ. Санаттахха, Ил Дархан Айсен Николаев «Азия оҕолоро» норуоттар икки ардыларынааҕы успуорт оонньуулара быйыл дойду үрдүнэн биир улахан күрэхтэһиитэ буоларын уонна үрдүк таһымҥа ыытылларын бэлиэтээбитэ.
«Быйыл биһиги 2018 сылга диэри көдьүүстээхтик үлэлээбит Дьокуускай куораты тупсарыы үлэ тиһигин сөргүттүбүт. Бу этэрээт састаабыгар быйыл 40 оҕо кыттыыны ылыахтара. Ити барыта үүнэр көлүөнэҕэ үлэҕэ иитэр тэрээһиннэри күүһүрдэргэ көмөлөһүөҕэ. Үлэ тиһигэ сыллата оннунан хаалан, инникитин өссө тупсуо диэн эрэнэбин», — диэн «Бүтүн Арассыыйатааҕы устудьуоннар этэрээттэрэ» ыччат уопсастыбаннай тэрилтэтин Саха сиринээҕи ыстаабын салайааччыта Айсен Соловьев билиһиннэрдэ.
Хас биирдии этэрээккэ 17-лии устудьуон, ону кытта куорат оскуолаларыттан үрдүкү кылаас үөрэнээччилэрэ бааллар. Этэрээттэргэ «Бүтүн Арассыыйатааҕы устудьуоннар этэрээттэрэ» Саха сиринээҕи отделын байыастарыттан хамандыырдар уонна баһаатайдар сыһыарылыннылар. Бу бырайыак уратыта диэн үлэни таһынан сынньалаҥҥа араас көрүҥнээх элбэх тэрээһиннэр ыытыллаллар, ол иһигэр квестар, куонкурустар, күрэхтэһиилэр, о.д.а.
Быйыл устудьуоннар этэрээттэрэ 65 сыллаах үбүлүөйүн уонна аныгы устуоруйата тэриллибитэ 20 сылын бэлиэтииллэр.
СӨ ОДьКХ уонна энергетика министиэристибэтин кэлэктиибэ «Кладовая осени» күһүҥҥү аһымал дьаарбаҥкаҕа көхтөөхтүк кытынна. Министиэристибэ уонна…
Мииринэй оройуонугар эр киһи атын дьон кыбартыыратыгар киирэн, утуйа сытар кыыска саба түһэн күүһүлүү сатаабыт.…
Дьокуускайга алтынньы 20 күнүгэр «Арктика» атыы-логистика хампаанньатын «АрктикВкус» диэн саҥа кэнсиэрбэ оҥорор сыаҕа аһылынна. Бу…
Быйыл күөн күрэс биирдиилээн уонна кэлэктиибинэн номинацияларынан ыытылынна. Өрөспүүбүлүкэ 22 орто анал үөрэҕин тэрилтэтиттэн 216…
Тымныы түһэн, тумуу элбээн, дьон ыалдьара элбээтэ. Оҕолор уһуйааннарга, оскуолаларга сыстыһан кэлэллэр. Маныаха күүстээх хиимийэлээх…
Билигин Саха сиригэр өрүстэр уонна күөллэр муустара ситэ тура илик, онон мууска сатыы да, тырааныспарынан…