Саха сиригэр от ыйа сөрүүн буолуоҕа

Быһа барыллаан Саха сиригэр былырыыҥҥытааҕар от ыйа сөрүүн буолуоҕа.

Саамай куйаас күннэр бэс ыйыгар туруохтара. Бу туһунан ЯСИА ааҕыныстыбатыгар Саха сиринээҕи гидрометеосулууспатын салайааччытын солбуйааччы Татьяна Маршалик кэпсээтэ.

«Сыл ахсын от ыйа саамай куйаас ыйынан буолар эрээри, мэлдьи буолбатах. Сороҕор куйаас күннэр бэс ыйыгар көһөн биэрэллэр. Быһа барыллаан сабаҕалааһынынан, бу сайын эмиэ оннук буолара күүтүллэр. От ыйа былырыыҥҥытааҕар сөрүүн буолуо. Уһун болдьохтоох күн-дьыл туругун билгэлээһин туолуута 70 %-тан үрдээбэт. Билигин орто температураттан итии курдук эрээри, оннук курдук киһи билиммэт. Ол эрээри, бу өрөбүллэргэ Саха сирин арҕаа өттүгэр уонна аныгыскы нэдиэлэҕэ киин оройуоннарынан балачча куйаас күннэр туруохтара», — диэн иһитиннэрдэ ЯСИА ааҕыныстыбатыгар Татьяна Маршалик.

Арассыыйа гидрометеосулууспатын уонна Уһук Илиннээҕи научнай-чинчийэр гидрометеорологическай институтун барыллаан сылыктыырынан, от ыйыгар Саха сирин территориятынан салгын орто температурата нуорма иһинэн буолуоҕа.

«Соҕуруулуу-илиҥҥи, Илин Эҥээр оройуоннарынан ураты, ол иһигэр Дьокуускай уонна соҕуруу оройуоннарынан ураты салгын температурата буолара күүтүллэр. Бу оройуоннарынан салгын температурата урукку сыллардааҕар арыый сөрүүн буолуон сөп. Сөҥүү нуорматтан кыратык элбэх түһэрин күүтэбит», — диэн ЯСИА ааҕыныстыбатыгар Татьяна Маршалик кэпсээтэ.