Быстах байыаннай хомуур саҕаланыаҕыттан Өрөспүүбүлүкэтээҕи психологическай кииҥҥэ барыта 4500 киһи өйөбүлү ылла.
Ол иһигэр – анал байыаннай дьайыыларга кыттааччылар, төннөн кэлээччилэр, кинилэр дьиэ кэргэттэрэ, чугас дьонноро бааллар. Бу туһунан бүгүҥҥү брифиҥҥэ киин салайааччыта Владимир Скрябин иһитиннэрдэ.
Кини киирэр боппуруостар чыҥха уларыйбыттарын бэлиэтээтэ. «Cуһал психологическай көмөҕө наадыйааччы кэлэрэ биллэрдик намтаата. Биһиги аны орто уонна уһун болдьохтоох көмөнү оҥорорго көһөн эрэбит. Тоҕо диэтэххэ, дьон буола турар быһыыны-майгыны уйулҕа өттүнэн ылынар буолан эрэр. Ол аата, бу балаһыанньаны кытары эйэлэстибит эбэтэр кыаммаппыт-түгэммэппит диэн буолбатах, төттөрүтүн, бу киһи сабыдыалы ылынан, билиҥҥи усулуобуйаҕа доруобай турукка төннүүтэ буолар», – диэн быһаарда Владимир Скрябин.
«Төлөпүөнүнэн өҥөнү ылыы аҕыйаан иһэр, ол оннугар сирэй көрсөн кэпсэтии улаатар. Биирдиилээн уонна дьиэ кэргэнинэн кэлэн, холобур, ийэ оҕотун кытары эбэтэр ыаллар бииргэ кэлэн психологиескай көмө ылаллар. Итини таһынан, өйөбүл бөлөҕөр киирсэн хас да хайысханан үлэлиибит. Биһиги психологтарбыт Дьокуускайга эрэ буолбакка, филиалларбыт баар улуустарыгар эмиэ үлэлииллэр», – диэн дириэктэр эттэ.
«Анал байыаннай дьайыыларга кыттааччылары, төннөн кэлээчччилэри, кинилэр дьиэ кэргэттэрин кытары кэпсэтэн биллэххэ, маннык көмөлөрү ылан кинилэр көмүскэллээх, дурдалаах-хаххалаах курдук сананаллара бэлиэтэнэр. Элбэх ийэ, эдьиий, кэргэн аралдьыйаары араас уопсастыбаннай дьыалаларынан дьарыктаналлар – ол сөп. «Информационнай хабахтан» тахсарга бэйэни аралдьытыныыга дьарыктаах буолар үчүгэй. Өскөтүн маннык бөлөхтөргө психолог көмөтө наада буоллаҕына, «итии лииньийэҕэ» 122, салгыы — 6, салгыы -2 төлөпүөнүнэн сайаапка биэриэххитин сөп», – диэн брифинг түмүгэр киин салайааччыта Владимир Скрябин эттэ.
Санатар буоллахха, психологическай көмөҕө наадыйар буоллаххытына, маннык төлөпүөнүнэн: 8-800-100-35-50 (суукканы эргиччи), Дьокуускай куоракка суруттарыыга уонна улуустарга баар кииннэр төлөпүөнннэрин билэргэ 8 (4112) 31-91-09 эрийиҥ.
Хантан кэлбитэ, ким айбыта биллибэт эрээри, Саҥа дьыл бэйэтэ туспа үгэстээх, биттээх-билгэлээх. Сорох дьон маны…
Ахсынньы 22 күнүгэр алыптаах Саҥа дьыл бырааһынньыгын көрсө, А.Е.Кулаковскай аатынан Норуоттар доҕордоһууларын дьиэтигэр «Саҥа дьыллааҕы…
Мииринэй куоракка борокуратуура 820 тыһ. солк. суумалаах арыгынан суокуоннай суохтук эргиниинэн холуобунай дьыаланы суукка ыытта.…
Анал байыаннай дьайыы кыттыылаахтара уонна кинилэргэ тэҥнээх дьон иккис орто үөрэххэ босхо үөрэнэр кыахтаахтар. Судаарыстыба…
Ааспыкка Саҥа дьылааҕы сандалы солбуллубат олохтооҕо буолбут "саҕынньахтаах селедка" салаат оннугар рулет оҥорору сэргээбиккит. Аны…
Индия, табылыннаҕына, сыл бүтүөр диэри Арассыыйа туристическай бөлөхтөрүгэр визата суох эрэсиими олохтуон сөп диэн Индия…