Саха сиригэр полицейскайдар наркотигы батарыыга уорбаланар киһини туттулар

РФ ИДьМ Алдан оройуонунааҕы отделын үлэһиттэрэ суһал-профилактическай эпэрээссийэ кэмигэр “Лена” федеральнай суолга массыынаны тохтоттулар.

32 саастаах олорсон иһэр киһини анаан-минээн дьэгдьийии түмүгэр маҥан өҥнөөх бэссэстибэҕэ биһиллибит кумааҕы харчыны, сэлиэччигин ис өттүгэр хам туттарылла сылдьар суулаах бэссэстибэлэри булан ыллылар. Уопсай ыйааһына 600 граммнаах 384 бакыат ылылынна. Чинчийии түмүгүнэн, бу мефедрон диэн наркотическай сириэстибэ буолара билиннэ.

Тутуллубут киһи этэринэн, наркотическай сириэстибэлэри Магадан уобалаһыгар тарҕатыахтаахтар эбит.

РФ ИДьМ Алдан оройуонунааҕы отделын силиэдэбэтэлинэн РФ ХК 228.1 ыст. 5 ч. уонна 30 ыст. 3 ч. көрүллүбүт буруйу оҥоруунан холуобунай дьыала тэрилиннэ, диэн суруйар ИДьМ Саха сиринээҕи пресс-сулууспата.