Хаартыска: Саха сирэ.
Бүгүн, ыам ыйын 4 күнүгэр, Дьокуускайга өрөспүүбүлүкэтээҕи медиа-кииҥҥэ психологическай көмөнү оҥорор онлайн-сервис барылын сүрэхтэниитэ буолла. Саҥа сервис нөҥүө Саха сирин олохтоохтооро исписэлиистэртэн сүбэни-аманы ылыахтарын сөп.
Өрөспүүбүлүкэтээҕи психологическай киин дириэктэрэ Владимир Скрябин иһитиннэрбитинэн, бүгүн эрэгийиэҥҥэ психологическай көмөнү оҥоруу боппуруоһа сытыытык турар. Нэһилиэнньэ наадыйар кыһалҕаларыгар киин филиаллара, быһа сибээстэрэ, десаннара төһө да тиһиктээхтик үлэлэспиттэрин да иһин, өссө да көмөҕө наадыйар киһи элбэх. Ордук байыаннай дьайыы кыттыылаахтара уонна кинилэр дьиэ кэргэттэрэ.
Онлайн-сервис барылыгар өрөспүүбүлүкэтээҕи психологическай киин 10 исписэлииһэ баар. Саайт үлэтин саҕалаатаҕына, эбии атын биэдэмистибэлэр уонна чааһынай психологтар нэһилиэнньэҕэ онлайн көмөнү оҥоруохтара. Маны тэҥэ, доруобуйа министиэристибэтин психиатрдара, психотерапевтара, клиническэй психологтара, Үлэ, социальнай сайдыы министиэристибэтин исписэлиистэрэ уонна Үөрэх, наука министиэристибэтин бэрэстэбиитэллэрэ үлэлиэхтэрэ.
Саҥа сервискэ психологическай көмө кимтэн киирбитэ биллибэккэ (анонимнайдык) оҥоһуллар. Сүбэ-ама ылыан баҕарар исписэлиискин көрөн талаҕын. Хас биирдии психолог туһунан саайтка толору информация баар — ханнык үөрэҕи бүтэрбитэ, хас сыл идэтинэн үлэлээбитэ, ханнык улууска үлэлиирэ. Приемҥа онлайн эбэтэр оффлайн киэбинэн табыгастаах кэмҥэр суруттарыаххын сөп. Соҕотох, дьиэ кэргэҥҥин кытта эбэтэр бөлөҕүнэн психологическай сеанстар бааллар.
Ону таһынан, саҥа сервис туһалаах сүбэлэр, сонуннар, үгүстүк киирбит ыйытыыларга хоруйдар уо.д.а араас өҥөлөрдөөх. Саайт билигин нууччалыы эрэ тылынан үлэлиир. Сотору сахалыы сирэйдээх буолуоҕа. Онлайн-сервис үлэтин сотору кэминэн саҕалыаҕа.
Психологическай көмөҕө наадыйар дьон маннык төлөпүөнүнэн: 8-800-100-35-50 (суукканы эргиччи), Дьокуускай куоракка суруттарарга уонна улуустарга баар кииннэр төлөпүөнннэрин билэргэ: 8 (4112) 31-91-09 эрийиҥ.
Санатан суруйдахха, бу сервис «Доруобуйа» уонна «Демография» национальнай бырайыактарынан, эрэгийиэн бырагырааматын олоххо киирэр.
Саха сирин Бырабыыталыстыбатын Бэрэссэдээтэлин солбуйааччы Георгий Степанов Арассыыйа Бэрэсидьиэнэ Владимир Путин пресс-кэмпириэнсийэтин – быһа эпиирин…
Саха сирэ үчүгэйдик сайдар уонна Бэрэсидьиэн этэринэн, бойобуой киирсии лииньийэтигэр аан да дойдуга суох байыастары…
Суруналыыс омук массыынатын ылыныам диэн биэс сыл харчы мунньуммут. Ол эрээри, массыынаҕа сыана олус үрдээн…
Дойду Бэрэсидьиэнэ Владимир Путин сылы түмүктүүр пресс-кэмпириэнсийэтигэр тыһыынчанан ыйытыы киирэр. Онтон биирдэстэрин мэдиссиинэ университетын 5-с…
Владимир Путин Саха сириттэн төрүттээх Арассыыйа Дьоруойа Андрей Григорьев туһунан киинэни өйүүрүн биллэрдэ. Саха сириттэн…
Арассыыйаҕа саҥа дьиэни үлэҕэ киллэрии кээмэйэ 2025 сыл түмүгүнэн былырыыҥҥытааҕар кыратык аччыаҕа уонна 103-105 кв.м.…