Саха сиригэр “Работа России. Время возможностей” үлэ дьаарбаҥката ыытыллыаҕа

Бэс ыйын 23 күнүгэр Саха сиригэр 35 былаһааккаҕа “Работа России. Время возможностей” диэн Бүтүн Арассыыйатааҕы үлэ дьаарбаҥкатын иккис түһүмэҕэ ыытыллыаҕа.

Дьокуускай куоракка дьаарбаҥка «Триумф» успуорт уораҕайыгар буолуоҕа. Манна 100-тэн тахса тэрилтэ 5667 үлэ миэстэтин таһаарыаҕа.

СӨ Нэһилиэнньэтин дьарыктаах буолуутун кэмитиэтин бэрэссэдээтэлэ Елена Калашникова иһитиннэрбитинэн, муус устарга буолбут тэрээһин бастакы түһүмэҕэр 200 тахса киһи үлэ булбут.

Дьаарбаҥка бырагыраамата «Работа России» порталга тахсыаҕа.