Хаартыска: Киин быыбардыыр хамыыһыйа
Хаҥалас улууһун Улахан Аан нэһилиэгэр 634 №-дээх учаастактааҕы быыбардыыр хамыыһыйа чилиэннэрэ бүгүн, олунньу 25 күнүгэр, сылгы боруодатын тупсарыыга уонна племенной үлэҕэ «Бөртө» хаһаайыстыба сылгыһыттарыгар Дойду Бэрэсидьиэнин быыбарын иннинээҕи куоластааһыны ыыттылар.
Учаастактааҕы быыбардыыр хамыыһыйа бэрэссэдээтэлэ Юлия Петрова, чилиэннэрэ Алена Максимова уонна Виктор Ефремов куоластааһыны тэрийиигэ кыһынын сылгыһыттар олорор «Сыһыы» арыыга таҕыстылар.
Юлия Николаевна кэпсииринэн, учаастактааҕы быыбардыыр хамыыһыйа чилиэннэрэ уопуттаахтар. Алена Васильевна – акушерка, билигин оҕолонон уоппускаҕа сылдьар, Виктор Григорьевич — сылгы иитиитинэн дьарыктанар. Оттон Юлия Петрова оҕо уһуйаанын иитээччитэ.
Сылгы баазатыгар үс сылгыһыттар бары куоластаатылар уонна быыбардыыр хамыыһыйаҕа махтаннылар диэн Киин быыбардыыр хамыыһыйа иһитиннэрэр.
Санаттахха, Саха сиригэр уустук суоллаах, ыраах сытар улуустарынан уонна нэһилиэктэринэн Дойду Бэрэсидьиэнин быыбарын иннинээҕи куоластааһын, бүгүҥҥэттэн, олунньу 25 күнүттэн, саҕаламмыта. Көһө сылдьар учаастактааҕы быыбар хамыыһыйаларын чилиэттэрэ куоластааһыҥҥа 12 тыһыынча кэриҥэ киһини хабар былааннаахтар.
Өлүөхүмэ улууһугар мууһу дэлби тэптэрии түмүгэр Хоро сэлиэнньэтигэр уу таһыма түстэ. Бу туһунан ЫБММ Саха…
Саха сиригэр баһаар сезона саҕаланан, ойууру кэтээн көрөр үлэлэр тиһиктээхтик бараллар. СӨ Экологияҕа министиэристибэтин Ойууру…
Саха сиригэр полиция учаастактааҕы боломуочунайдарын суһал рейдэ оҥороннор арыгыны сокуоннайа суох атыылааһыны арыйаллар. Ол курдук…
Саха киһитэ сөхтөҕүнэ уонна дьиибэргээтэҕинэ, эбиитин мунаардаҕына итинник диэччи. Бу сырыыга мин эмиэ итинник саҥа…
Өймөкөөҥҥө саас кэлиитэ ураты алыптаах. Ол ону талааннаах худуоһунньук, фотограф Семен Сивцев-Өймөкөөн Сэмэнэ түһэрбит хаартыскаларыгар…
"Сергей Шойгу оннугар Оборуона миниистиринэн анаммыт Андрей Белоусовы сахалар күтүөппүт, кэргэнэ Лариса -- композитор Марк…