Саха сиригэр РФ Сэбилэниилээх Күүстэрин байыаннай чаастарын уонна холбоһуктарын кэмпилиэктиир үлэ салҕанар

Өрөспүүбүлүкэ олохтоохторо байыаннай дьайыы кэмигэр РФ интэриэһин көмүскүүллэрин салгыыллар уонна РФ Сэбилэниилээх Күүстэрин састаабыгар кинилэргэ бэриллибит бойобуой сорудахтары ситиһиилээхтик толороллор.

Байыаннай сулууспаҕа хантараагынан барар дьону талыы биир кэлим кэлим кииннэргэ ыытыллар, онно босхо олороллор, үстэ итии аһылык бэриллэр. Биир кэлим кииннэргэ кинилэр байыаннай сулууспаҕа киирэргэ наадалаах тэрээһиннэри ааһаллар: мэдисиинискэй талыыны, уйулҕаларын чинчийиини, наадалаах докумуоннары толорууну. Талар пуун инструктордара хас биирдии хандьытааты кытта кэпсэтэллэр уонна ол түмүгүнэн ханнык байыаннай идэҕэ барарын быһаараллар, ол гынан баран хас биирдии хандьытаат бэйэтин идэтин уонна ханна сулууспалыырын талар бырааптаах”, — диэн кулун тутар 4 күнүгэр Байыаннай сулууспаҕа хантараагынан барар дьону талар пуун брифинигэр иһитиннэрдилэр .

РФ Сэбилэниилээх Күүстэрин кытта хантараак түһэрсибит дьоҥҥо 1 мөлүйүөн 700 тыһыынча солкуобайдаах биирдэ бэриллэр харчылаах төлөбүр төлөнөр, онтон 400 тыһыынчата РФ Оборуонатын министиэристибэтиттэн, 1 мөлүйүөн 300 тыһыынчата Саха Өрөспүүбүлүкэтиттэн уонна муниципальнай тэриллиилэртэн эбии 100-түү тыһ. солк.

Талар пууннарга хантараакка илии баттаабыт байыаннай сулууспалаахтарга туох социальнай чэпчэтии, гарантия көрүллэрин сиһилии быһаараллар, пууннар Дьокууксайга – Чепалов уул., 23; Нерюнгрига —  Чурапчинскай уул., 33, 3 корпуска; Мииринэйгэ – Өктөөп 40 сыла уул., 26. Бары кииннэр өрөбүлэ суох сарсыарда 09:00 чаастан 18:00 чааска диэри үлэлииллэр. Ону тэҥэ олорор сиргитигэр баар байыаннай комиссариаттан уонна дьаһалтаттан ыйыталаһыаххытын сөп.

Бэйэҕитигэр маннык докумуоннар баар буолуохтаахтар: пааспар, СНИЛС, ИНН, үөрэх докумуона, байыаннай билиэт, ыал буолуу туһунан уонна оҕо төрөөбүтүн туоһу суруктар (баар буоллаҕына).

Сиһилии информацияны биир кэлим талар кииннэргэ, олорор сиргитигэр баар байыаннай комиссариаттарга эбэтэр нэһилиэнньэлээх пууннар дьаһалталарыгар ылыаххытын, ону тэҥэ 8 (4112) 32-10-40, 8 (924) 166-13-93 төлөпүөннэргэ эрийэн уонна службапоконтракту14.рф. саайтан билиэххитин сөп, диэн иһитиннэрэр Ил Дархан, бырабыыталыстыба пресс-сулууспата.