Саха сиригэр росгвардеецтар нэдиэлэ устата 89 сокуону кэһээччилэри туттулар

Ааспыт нэдиэлэҕэ Росгвардия үлэһиттэрэ Саха сиригэр 89 буруйу оҥорооччулары туттулар.

Ол курдук, барыта 158 суһал иһитиннэрии киирбит. Буруйу оҥоруу сүрүн төрүөтэ — счету төлүүртэн аккаастаныы, охсуһуу уонна итирик туруктаах ыалдьыт кафеҕа утуйбут, диэн Росгвардия Саха сиринээҕи управлениетын пресс-сулууспатыгар иһитиннэрдилэр.

Дьокуускайга гриль-бар икки итирик ыалдьыттара 13 814 солк. сууманы төлүүртэн аккаастааммыттар уонна сиэрэ суох быһыыны көрдөрбүттэр. Ол түмүгэр росгвардеецтар итирк дьону полиция отделыгар илдьибиттэр. Маннык түбэлтэ сарсыҥҥы күнүгэр эмиэ  чугас турар түҥҥү барга бэлиэтэммит. Итирик ыалдьыт 1647 солк. төлүүртэн аккаастаммыт уонна эмиэ тутуллубут.

21 500 солк. хоромньулаах охсуһуу комиссионнай маҕаһыыҥҥа тахсыбыт. Быһылаан үс кыттыылааҕа, 24, 29 уонна 39 саастаах эр дьон, полиция дьуһуурунай чааһыгар тиэрдиллибиттэр.

Ону сэргэ, киин куорат биир кафетыттан сарсыарда эрдэ иһитиннэрии киирбит. Үлэһиттэр саалаҕа утуйа сытар эр киһини сатаан уһугуннаран атаарбатахтар. Дааннайдар баазаларынан бэрэбиэркэлээһин кэмигэр,  34 саастаах эр киһи административнай сокуону кэһиигэ көрдөнөрө быһаарыллыбыт.