Саха сиригэр саамай эдэр алимеҥҥа иэстээх 21 саастаах кыыс буолара билиннэ

Саха сирин үрдүнэн алимеҥҥа иэстээх барыта 900-тэн тахса дьону көрдүүллэр.

Саха сиринээҕи суут бириистэптэрин пресс-сулууспатыгар иһитиннэрбиттэринэн, саамай эдэр учуокка турар алимеҥҥа иэстээхтэртэн — 21 саастаах, оттон аҕам саастааҕа — 66 саастаах.

Саамай эдэр алимеҥҥа иэстэммит Бүлүү оройуонун 21 саастаах олохтооҕо буолара биллэр. Кыыс 4 саастаах уолугар улахан суумаҕа иэстэммит. Бу иннинэ суутунан ийэ оҕотугар хамнаһыттан 1/2 сууматын ыытарга уураахтаабыт эбит да, быһаарыы толоруллубатах.

Оттон алимеҥҥа иэстээх саамай аҕам саастааҕынан 66 саастаах Таджикистан олохтооҕо буолар. Икки уол аҕата оҕолоругар 2 мөлүйүөн солкуобай иэстэммит. Киниттэн тиһэх төгүлүн харчы былырыын олунньуга биир тыһыынча солкуобай эрэ киирбит. Ону ол суума кини счетуттан быһа тутуллубут эбит.

Урут бу иннинэ суут бириистэптэрэ нолуок, алимент уонна кирэдьиит төлөөбөккө Саха сирин олохтоохторуттан 30 тырааныспары былдьаабыттарын туһунан иһитиннэрбиттэрэ. Былдьаммыт массыыналары атыыга таһаарыахтара.