Саха сиригэр саамай ирдэнэр идэлэр

Үлэҕэ ылыы эйгэтигэр чинчийиини ыытар hh.ru ааҕыныстыба Саха сиригэр саамай ирдэнэр идэлэр испииһэктэрин таһаарбыт.

Үлэ тэрилтэлэрэ саамай ирдиир үлэһиттэринэн атыы менеджердэрэ (килийиэни кытта үлэҕэ исписэлиистэр) буолбуттар. Иккиһинэн эмиэ эргиэн эйгэтин үлэһиттэрэ – маҕаһыын атыыһыттара, кассирдар ыйыллыбыттар. Суоппар идэтэ үһүскэ турар. Машинистар, таһаҕас тиэйиигэ оробуочайдар эмиэ куруутун ирдэнэр эбиттэр. Уон саамай ирдэнэр идэҕэ балары сэргэ киирбиттэр: слесардар/сантехниктар, сервис инженердэрэ, сварщиктар, бухгалтердар уонна электромонтаж оҥорор исписэлиистэр.