Сахагов
Килиимэт уларыйыытынан сандал сааспыт сылаас халлаана урукку курдук кулун тутарга буолбакка, олунньуга номнуо биллэн барыа, диэн Клименко aif.ru эттэ.
Учуонай бэлиэтээбитинэн, маннык уларыйыы Арассыыйа Европатааҕы чааһыгар салгын температуратын уопсай үрдээһинин кытта сибээстээх. Быйыл сааспыт Арассыыйа халандаарынан болдьоҕуттан быдан эрдэ кэлиэҕин туһунан Арассыыйа Гидрометкиинин научнай салайааччыта Роман Вильфанд эмиэ иһитиннэрдэ.
Кини бэлиэтээбитинэн, Арассыыйа киин, хотугулуу-арҕаа уонна соҕуруу өттүгэр күнүскү салгын температурата –2-тэн +5-кэ диэри кыраадыс буолуон сөп, бу кыһын ортотугар сөп түбэспэт көрдөрүү буолар. Вильфанд сыанабылынан, салгын температуратын үрдээһинэ, ол иһигэр үгэс курдук саамай тымныы оройуоннарын — Саха сирин уонна Уһук Хоту сирдэрин хабан, хаар эрдэ ууллуутугар уонна халлаан туруга уларыйыытын түргэтээһинигэр тиэрдиэ. Вильфанд этэринэн, бу сыл кулун тутар ыйыгар Арассыыйаҕа үгүс субъектарынан сылаас сааскы халлаан эрдэ кэлэрэ күүтүллэр. Ыйдааҕы салгын орто температурата киэҥ сиринэн – дойду арҕаа кыраныыссаларыттан Енисейгэ диэри килиимэт нуорматын куоһарыа диэн бэлиэтээтэ.
Сибиир уонна Уһук Илин субъектарынан эмиэ уһун арктическай тымныылар киириилэрэ сабаҕаламмат, ол эрээри кылгас кэмнээх тымныйыылар буолуохтарын сөп. Муус устарга киин, арҕаа уонна Ураал эрэгийиэннэригэр, ону таһынан Сибииргэ, орто сууккатааҕы салгын температурата +7…+8 кыраадыс таһымыгар сабаҕаланар. Дойду соҕуруу өттүгэр салгын температурата сорох сиринэн +20 кыраадыска диэри сылыйыан сөп. Орто сууккатааҕы салгын температурата үрдээн истэҕин аайы, сөҥүү ахсаана эмиэ элбиирэ күүтүллэр.
Арассыыйа киин чааһыгар уонна хотугулуу-арҕаа өттүгэр халаан уутун куттала уонна өрүстэр кытылларыттан тахсыылара үрдүк таһымнаах хаалыа. Оттон Клименко сабаҕалааһынынан, быйыл сайын урукку курдук бэс ыйыгар буолбакка, ыам ыйыгар номнуо саҕаланыа. Ыам ыйа хотугулуу-арҕаа эрэгийиэҥҥэ эрэ уларыйа сылдьар күннээх-дьыллаах буолуо. Онно күн-дьыл туругар сииктээх салгыны аҕалар Финскэй хомо дьайар.
“Бүлүү” уонна “Халыма” федеральнай суолларга өрүһү туоруур тиэхиньикэлэргэ таһаҕастарын уйуга үрдэтиллибитин туһунан “Бүлүү” Упрдор иһитиннэрдэ.…
Абый улууһугар ИДьМ отделын дьурууһунай чааһыгар мэдиссиинэ тэрилтэтэ быһаҕынан анньыллыбыт баастаах эр киһи киирбитин туһунан …
Байыаннай дьайыы кыттыылаахтарын чэпчэтиилэрин саҥа эрэгийиэннэргэ үлэлиир исписэлиистэргэ биэрэр санаалаахтар. Судаарыстыбаннай Дуума тохсунньу 13 күнүгэр…
Саха сирин сүүмэрдэммит хамаандатын боксердара Максим Припузов уонна Андрей Егоров Социалистическай Үлэ Дьоруойа Николай Семизоров…
Астрологияҕа Ый — киһи ис туругун, дууһатын, санаатын уонна энергиятын салайар планета. Айылҕаҕа Ый байҕал…
Судаарыстыбаннай Дуума вице-спикерэ Борис Чернышов кылаас салайааччыларын үлэтин уларытарга этии киллэрдэ. Кини санаатынан, биридимиэттэри үөрэтэртэн…