Хаартыска -- Андрей Сорокин /СИА
Саха сиригэр сааскы халаан иккис долгуна салҕанар. Уу ресурсаларын федеральнай ааҕыныстыбатын Өлүөнэтээҕи бассейновай управление салайааччыта Петр Аргунов брифиҥҥэ иһитиннэрбитинэн, “маҥан уу” – уу бастакы долгуна ааспыт. Билигин муус өрөспүүбүлүкэ хоту улуустарын төрдүлэригэр баар.
“Иккис долгун туоһутунан Алдан өрүһү ааттыахха сөп. Чагда бөһүөлэккэ уу иккис долгуна муҥутаан кэллэ – уу таһыма 1682 см тиийдэ. Бэҕэһээҥҥиттэн уу таһыма түһэн эрэрэ бэлиэтэнэр: сарсыарда 1565 см тэҥнэһэр, кутталлаах таһым 1550 см буолар. Уу иккис долгуна салгыы барыаҕа. Аллара, Хаандыгаҕа – Бэлькичи учаастагар эмиэ уу тахсара күүтүллэр – кэлиҥҥи 4 чаас устата 7-17 см таҕыста. Элдьикээн бөһүөлэгэр эмиэ уу тахсыа диэн сабаҕалыыбыт” – диэн Аргунов эттэ.
Ону тэҥэ, бэс ыйын 5 күнүгэр диэри 1540 см диэри уу таһыма (кутталлаах таһым 1515 см) Уус Маайа улууһун Күп уонна Эдьээн бөһүөлэктэригэр кэлиэн сөбүн бэлиэтиир.
“Эдьээн бөһүөлэгэр уу таһыма тахса турар, өссө 90 см. тахсыа диэн сабаҕалыыбыт. Нэһилиэнньэлээх пуун намыһах учаастактарын ылар чинчилээх” – диэн Аргунов этэр.
Өрөспүүбүлүкэ хоту улуустарыгар балаһыанньа этэҥҥэ. Сааскылааҕынан Анаабыр өрүскэ ырбыылаах, уу таһыма 728 см (кутталлаах таһым 1170 см) тэҥнэһэр.
Походскай сэлиэнньэтинэн Халыма өрүскэ муус уста турар.
Өлүөнэ өрүскэ эмиэ иккис долгун кэлэн эрэр. Покровскай – Дьокуускай учаастагынан уу таһыма салгыы тахсар. Бэс ыйын 5-7 күннэригэр иккис улахан долгун кэлэн, намыһах сирдэри ылара сабаҕаланар. Ити туһунан Ил Дархан уонна Бырабыыталыстыба пресс-сулууспата суруйар.
Уу эбийиэктэригэр буруйу оҥорууну уонна быһылааны тахсыытын сэрэтэр, туоратар сыалтан, барыбыттан болҕомтолоох буолуу ирдэнэр. Уу эбийиэктэригэр куттал суох буолуута – биһиги барыбыт уопсай эппиэтинэспит. Бэйэбит уонна чугас дьоммут олохторун, доруобуйаларын харыстыыр туһугар, бары ирдэбиллэри тутуһан, сэрэхтээх буолуоҕуҥ! Этэҥҥэ сылдьыҥ!
Арыгы организмҥа буортутун бары билэр курдукпут. Бу аһыы утах элбэх уорганы сүһүрдэриттэн чуолаан сүрэх үлэтигэр…
“Ежевика тымырдары бөҕөргөтөр кыахтаах. Састаабыгар С битэмиини уонна антиоксиданнары булуохха сөп”, - диэн диетолог, терапевт-быраас…
Халлаан тымныйан, биһиги курдук дьон дьиэҕэ хаайтарар кэммит кэллэ. Хаарыан өрөбүлүм таах хаалаары гынна, сырдык…
Түүл туһунан тугу билэбитий? Киһи түүлүн 90 бырыһыанын умнар уонна 10 бырыһыанын эрэ өйдөөн хаалар.…
Бүгүн кэпсэтэр байыаһым Аҕа дойду көмүскэлин ытык иэһинэн ааҕар Үөһээ Бүлүүттэн төрүттээх “Боха” диэн позывнойдаах…
Байанай – баай хара тыа иччитэ, ойуур, көтөр-сүүрэр таҥарата. Кинини былыргы сахалар олус үөрүнньэҥ, кэһии…