Саха сиригэр цифровой трансформация тула сугулаан буолла. Сүрүн тиэмэнэн эрэгийиэҥҥэ цифровой стратегияны 2025-2030 cc сайыннарыы буолла.
Эрдэ Ил Дархан Айсен Николаев бырайыактыыр офис саҥа структуратын бигэргэппитэ. Цифровой трансформация салайааччытынан өрөспүүбүлүкэҕэ Бырабыыталыстыба бэрэссэдээтэлэ Кирилл Бычков анаммыта. Кини солбуйааччытынан бырабыытылыстыба бэрэссэдээтэлин солбуйааччы Анатолий Семенов буолбута.
Саҥа стратегия алта хайысхалаах буолар: архитектурнай, импортзамещение, информационнай сэрэхтээх буолуу уонна баар дааннайдарга олоҕуран салайыы, оҥоһуу өйү киллэрии, цифровой компетенцияны сайыннарыы.
Сүрүн болҕомто оҥоһуу өй Лабораториятын сайыннарыыга ууруллуоҕа.
«Цифровой трансформация — технология эрэ туһунан буолбатах. Саҥа кыаҕы биисинэс, салайар систиэмэҕэ өрөспүүбүлүкэ олохтоохторугар тэрийии буолар. Саҥа стратегия киһи хапытаалын сайыннарыыга уонна тирэхтээх цифровой эйгэни Саха сирин хас биирдии муннугар тутуу буолар», — диэн Анатолий Семенов бэлиэтээтэ.
Саҥардыллыбыт стратегияҕа 27 цифровой бырайыагы холбуохтаахтар. Балар аҕыс салааны уонна 14 судаарыстыбаннай былаас уорганнарын хабыахтара. Сүрүн сорук — өрөспүүбүлүкэҕэ аныгы технологияны туһанан тирэхтээх социальнай-экэнэмиичэскэй сайдыыны тэрийии буолар.
Сугулааҥҥа инники стратегия түмүктэрин таһаардылар. ол курдук 2022-2024 сс 55 цифровой бырайыак олоххо киирбит. Олор истэригэр «Госуслуги» портал иһинэн «Якутия» диэн ойуур баһаарын хонтуруоллуур эрэгийиэннээҕи портал буолар, «Тариф онлайн», «Умный паром» диэн интеллектуальнай тырааныспар ситимэ буолар.
Ааспыт сыл түмүгүнэн цифровой өттүнэн өрөспүүбүлүкэ тус сыаллаах көрдөрүүнү ситистэ. РФ субъектарын истэригэр Саха сирэ 12-c миэстэни ылар.
Анаабыр улууһун олохтооҕо, үс кыыс ийэтэ Изабелла Попова сөбүлүүр идэтин өссө үчүгэйдик сайыннаран, эбии дохуот…
Билигин атыыланар бородуукталарга араас элбэх эбиликтээх буолан, кэлин болҕомто да уурбат курдукпут. Оттон тугу сиирбит…
Вирустаах инфекциялары эмтииргэ антибиотиктары туһаныы чаастатык сыыһа-халты быһаарыныы буолар. Санатар буоллахха, Саха сиригэр микробу утары…
Киһи анаалыс туттаран ханнык битэмиин тиийбэтин бэрэбиэркэлэппэтэх буоллаҕына, анемиялааҕын билимиэн сөп. Ол эрээри миэдиктэр этэллэринэн,…
Мэҥэ Хаҥалас Хаптаҕайыгар өссө биир кэрэ бэлиэ тэрээһин ааста. Саас-сааһынан кэпсээтэххэ, тумус туттар ытык киһибит,…
Саха Өрөспүүбүлүкэтин норуодунай артыыһа Алексей Павлов салайар Үүнэр Көлүөнэ тыйаатыра Михаил Шолохов "Киһи дьылҕата" диэн…