Хаартыска: ЯСИА
Саҥа дьылга Соҕуруу федеральнай уонна Хотугу Кавказтааҕы уокуруктартан ураты Арассыыйа Европатааҕы чааһын үгүс сиригэр хаардыыр. Киин эрэгийиэҥҥэ сылаас соҕус буолуо, оттон саамай күүстээх тымныылар Саха сиригэр түһэллэрэ сабаҕаланаллар. Бу туһунан 360.ru саайтка синоптик, байыаннай метеоролог Александр Ильин кэпсээтэ.
Киин федеральнай уокурукка, ол иһигэр киин эрэгийиэннэргэ хаардыыр. Тохсунньу 1 күнэ үүнэр түүнүгэр салгын температурата 0 -5°C диэри, сорох сирдэринэн -8°C диэри түһүөҕэ. Бырааһынньык иннинэ уонна Саҥа дьыл бастакы күнүгэр кыралаан хаардыыр, диэн синоптик иһитиннэрдэ.
Сочига эмиэ хаардаах буолуо, онон бырааһынньыгы Краснай Полянаҕа атаарар былааннаах туристарга күн-дьыл туруга үчүгэй буолар диэн Ильин эрэннэрдэ.
Саҥа дьыллааҕы түүн Сибиир уокуругар эмиэ хаар түһүөҕэ, саамай томороон тымныылар Саха сиригэр туруохтара. Саамай сылаас күн-дьыл Хара байҕал кытылыгар, Кавказка уонна Крымҥа күүтүллэр.
«Соҕуруу Ураал уонна Арҕаа Сибиир континентальнай-сымнаһыар курдааһыҥҥа киирэллэр, онон бу эрэгийиэннэргэ элбэх хаар түһэрэ күүтүллэр», — диэн климатолог, метеоролог, ЧелГУ географическай билим хандьыдаата Екатерина Пестрякова иһитиннэрдэ.
Арассыыйа илин өттүгэр — Приморьеҕа, Приамурьеҕа, Камчаткаҕа кини этэринэн, салгын температурата күүскэ хамсыаҕа. Синоптик Саха сиригэр, Дьааҥыга уонна Өймөкөөҥҥө саамай күүстээх тымныылар түһүөхтэрэ диэни бигэргэттэ. «Күн биллэрдик кылгыыр. Өс хоһооно да баар: “Күн сайыҥҥа, кыһын тымныыга эргийдэ”. Ол аата, ахсынньы 22 күнүн кэнниттэн томороон аам-даам тымныы күүһүрэр», — диэн синоптик түмүктээтэ.
Санаттахха, Саха сиригэр саамай уһун хонуктаах тымныылар 2020-2021 сылларга турбуттара. Оттон 2021 сыллаахха уһун тымныылар муус устарга диэри, икки ый устата, -50 С кыраадыска тиийэ түспүттэрэ.
«Саханефтегазсбыт» АУо 2025 сылга ыраах сытар, сылы эргиччи суола-ииһэ суох, автозаправочнай (АЗС) уонна контейнернай автозаправочнай…
Суруналыыстары кытта көрсүһүүтүгэр киин куорат мээрэ Евгений Григорьев мээрийэ өйөбүлүнэн тахсар "Киин куорат" хаһыат туһунан…
Саха сиринээҕи Суһал ыстаап анал байыаннай эпэрээссийэҕэ кыттааччылары наадалаах тэриллэринэн уонна тиэхиньикэнэн хааччыйыыга систиэмэлээх үлэтин…
Бу түбэлтэни Александр Аргунов аҕабыыт 1913 с. “Якутские Епархиальные Ведомости” сурунаал 17-с нүөмэригэр бэчээттэппит. 1908…
Тохсунньу 1 күнүттэн киин куоракка оптуобус төлөбүрэ 58 солкуобайга диэри үрдүүрүн туһунан киин куорат баһылыга…
1889 сыллаахха 1 Нөөрүктээйи нэһилиэгин бочуоттаах инородеһа, биллиилээх меценат Степан Идельгин үбүнэн Өлүөхүмэ улууһун 1…