сахагов
Саҥа дьыллааҕы түүн биэс уол уонна үс кыыс күн сирин көрдүлэр. Бу туһунан өрөспүүбүлүкэ Ил Дархана Айсен Николаев МАХ-ка тус ханаалыгар иһитиннэрдэ.
2026 сыл тохсунньу 1 күнүгэр Саха сиригэр бастакынан 3270 гр. ыйааһыннаах кыыс оҕо төрөөтө. Кыысчаан Михаил Ефимович Николаев аатынан Өрөспүүбүлүкэтээҕи 1 №-дээх балыыһа Перинатальнай киинигэр түүн 00 чаас 10 мүнүүтэҕэ күн сирин көрдө.
«Бүлүү улууһуттан сылдьар дьиэ кэргэҥҥэ бу үһүс оҕолоро буолара – улахан үөрүү! Төрөппүттэри ис сүрэхпиттэн эҕэрдэлиибин, күүһү-уоҕу, кынаттанар кыаҕы, оттон биһиги саҥа төрөөбүт оҕолорбутугар – доруобай уонна дьоллоох буола улааталларыгар баҕарабын», – диэн Айсен Николаев суруйбут.
2025 сыл түмүгүнэн барыта 10 317 оҕо төрөөбүт, ол иһигэр 5270 уол, 5047 кыыс. Кинилэртэн 93-һэ – игирэлэр.
2025 сылтан «Дьиэ кэргэн» өрөспүүбүлүкэтээҕи ийэ хапытаала үһүс эрэ оҕо төрөөтөҕүнэ буолбакка, төрдүс, бэһис уонна хас биирдии кэлэр оҕоҕо бэриллэр буолла. «Үйэ оҕолоро» тус сыаллаах хапытаал болдьоҕо 2027 сылга диэри уһатылынна. Элбэх оҕолоох ыалларга сир учаастагын оннугар бэриллэр төлөбүр 300 тыһыынча солкуобайга диэри улаатта. Эдэр ыаллар ыал буолууларыгар 50 тыһыынча солкуобай төлөбүрү ылаллар. Элбэх оҕолоох ыалларга өҥө төлөбүрүгэр 30% чэпчэтии олохтоммута, оттон оҕолорго – оскуолаҕа босхо аһылык, уопсастыбаннай тырааныспарга босхо айан, кэллиэскэ харчылаах үөрэххэ киириигэ төлөбүр көрүллэр.
2025 сылга өрөспүүбүлүкэ бүддьүөтүттэн оҕолоох ыаллары өйүүр миэрэлэри үбүлээһиҥҥэ 5 млрд-тан тахса солкуобай ыытыллыбыта.
Илиҥҥи экэнэмиичэскэй пуорум – 2025 кэмигэр дойду бэрэсидьиэнэ Владимир Путин чуолаан Саха сиригэр нэһилиэнньэ ордук элбиирэ бэлиэтэнэрин ыйбыта. Оҕолор аҥаардара кэриэтэ элбэх оҕолоох ыалларга төрүүллэр, оттон кинилэр ахсааннара – 34,5 тыһыынча, бу – өрөспүүбүлүкэ хас бэһис ыала.
Тохсунньу 1 күнүгэр өрөспүүбүлүкэ саамай кырдьаҕас олохтооҕун Татьяна Сафонованы 105 сааһын туолбутунан эҕэрдэлээтилэр. Киниэхэ дойду…
Саҥа дьыл бырааһынньыгын иннинэ Саха сириттэн сылдьар байыаннай дьайыв байыастапа өрөспүүбүлүкэттэн Саҥа дьыллааҕы бэлэхтэри туттулар.…
Уһун кыһыҥҥы өрөбүллэр – үчүгэйдик сынньанар эрэ буолбакка, саҥаҕа холонон көрөргө, доруобуйаны чөлүгэр түһэрэргэ уонна…
Сунтаар сэлиэнньэтигэр биэс киһи өлбүтүнэн «икки уонна онтон элбэх киһини сэрэҕэ суохтан өлүүгэ тиэрдии» диэн…
Арассыыйаҕа бигэргэтиллибит халандаарынан, 2026 сылга биһигини 28 бырааһынньык уонна өрөбүл күннэрэ күүтэллэр. Саҥа дьыллааҕы өрөбүллэр…
2026 сыл хайдах буолуоҕун билгэһит, көрбүөччү Татьяна Захарова-Татыйык кэпсиир: — Моҕой сыла бүтэн эрэр, аны кыһыл…