Саха сиригэр саҥа ойуур баһаара булуллубата

Саха сирин сиригэр-уотугар ааспыт сууккаҕа саҥа ойуур баһаара көстүбэтэ.

Үөһээ Дьааҥы оройуонугар 100 гектар иэннээх сиргэ умайыыны бохсуу салҕанар, манна 34 киһи үлэлиир. Сыл саҕаланыаҕыттан уопсайа 60 307,45 га иэҥҥэ 331 айылҕа баһаара умуруорулунна, ол иһигэр ойуур пуондатын сирдэригэр – уопсайа 53 830,45 га иэннээх 146 ойуур баһаара.

СӨ Ил Дарханын Ыйааҕынан бэс ыйын 5 күнүттэн өрөспүүбүлүкэ бары сиригэр-уотугар уоттан сэрэхтээх буолуу ураты эрэсиимэ олохтонно. Ону тэҥэ Үөһээ Дьааҥы, Уус Алдан, Өлүөхүмэ уонна Эбээн-Бытантай оройуоннарыгар, ону таһынан Дьокуускай уонна Жатай куорат уокуруктарыгар ураты уоттан сэрэхтээх буолуу эрэсиимнэрэ киллэрилиннилэр.

Айылҕа баһаарын буллаххытына, Ойуур хаһаайыстыбатын эрэгийиэннээҕи диспетчерскэй сулууспатыгар бу нүөмэргэ эрийиҥ: 8 (4112) 44-74-76.