Саха сиригэр саҥа ойуур баһаара көстүбэтэ

Саха сиригэр ааспыт сууккаҕа саҥа ойуур баһаара көстүбэтэ.

Билигин Дьааҥы улууһугар 590 гектар иэннээх биир баһаары умуруоруу салҕанар, онно 34 киһи үлэлиир. Баһаартан сэрэхтээх буолуу кэмэ саҕаланыаҕыттан барыта 60 307,45 гектар иэннээх 331 айылҕа баһаара умуруорулунна, ол иһигэр ойуур пуондатын сирдэригэр – 53 830,45 гектар  иэннээх 146 ойуур баһаара.

СӨ Ил Дарханын Ыйааҕынан бэс ыйын 5 күнүттэн өрөспүүбүлүкэ бары сиригэр-уотугар Баһаартан сэрэхтээх буолуу ураты эрэсиимэ биллэриллибитэ. Ону таһынан, Дьааҥы, Өлүөхүмэ, Эбээн-Бытантай улуустарыгар уонна Жатай, Дьокуускай куорат уокуруктарыгар эмиэ ураты эрэсиимнэр киллэриллибиттэрэ.

Дьыл саҕаланыаҕыттан айылҕa баһаардарын таһаарбыт 52 буруйдаах быһаарылынна, ойуурга баһаартан сэрэхтээх буолуу быраабылатын кэһии иһин 110 боротокуол оҥоһулунна.

Айылҕа баһаарын көрдөххүтүнэ,Ойуур хаһаайыстыбатын эрэгийиэннээҕи диспетчерскэй сулууспатыгар 7 (4112) 44-74-76 нүөмэргэ эрийиҥ. Ону таһынан ойуур харабылын биир кэлим нүөмэригэр сибээстэһиэххитин сөп: 8-800-100-94-00.