Хаартыска хапытаалынай өрөмүөн пуондатыттан
Саха сиригэр саҥа рекорд олохтонуо. Ол элбэх кыбартыыралаах дьиэлэргэ хапытаалынай өрөмүөнү оҥорууга.
Саха сиригэр хапытаалынай өрөмүөн пуондата — эрэгийиэннээҕи оператор бу сылга 240 дьиэни өрөмүөннүүр. Бу ааспыт сыллардааҕар элбэх. Оттон кэнники биэс сылга өрөспүүбүлүкэҕэ элбэх кыбартыыралаах 919 дьиэҕэ 1737 үлэ арааһа ыытыллыбыт.
Дойдуга элбэх кыбартыыралаах дьиэлэргэ хапытаалынай өрөмүөнү оҥоруу тиһигэ 2013 сылтан саҕаламмыта. Соторутааҕыта РФ Бэрэсидьиэнэ Владимир Путин элбэх мэндиэмэннээх дьиэлэргэ хапытаалынай өрөмүөнү оҥорор эрэгийиэн оператордара матырыйааллары уонна тэриллэри биир сиртэн атыылаһалларыгар илии баттаабыта.
Холобур, Дьокуускайга 1975 сыллаахха Хабаров уул. 27/3 нүөмэригэр тутуллубут элбэх кыбартыыралаах дьиэҕэ хапытаалынай өрөмүөнэ болдьоҕун иннинэ түмүктэммитэ. Бэдэрээччит манна эркинин итии буоларын курдук оҥорбута, кырааскалаабыта, түннүгүн, аанын уларыппыта, кирилиэһин, балконнарын өрөмүөннээбитэ. Эмиэ Дьокуускайга Чернышевскай уулуссатыгар 1974 сыллаахха тутуллубут, үйэ аҥаарын кэриҥэр хапытаалынай өрөмүөн ыытыллыбатах икки кэккэлэһэ турар дьиэлэр иннилэрэ оҥоһуллубута.
«Үлэ түргэнник уонна хаачыстыбалаахтык толорулунна. Урут хайдаҕа уонна билигин хайдаҕа, улахан уратылаах. Билэр дьоммут кэлэн дьиэҕит көстүүтэ наһаа уларыйбыт диэн бэлиэтииллэр. Кирилиэһи саҥардан оҥорбуттара түһэргэ, тахсарга табыгастаах, үчүгэй. Кырыыһабытын өрөмүөннээбиттэрэ, эркиммитин сылыппыттара. Мин бастакы этээскэ олоробун, онон дьиэ сылааһа олус наадалаах. Өрөмүөнтэн үөрэн, астынан сылдьабын. Ыалларым да сөбүлэһэллэрэ буолуо», — диэн Хабаров уулуссатын 27/3 нүөмэригэр олорор Валентина Те санаатын үллэстэр.
2023 сылга барыта 240 дьиэҕэ өрөмүөн үлэтэ ыытыллар. Нерюнгрига, Дьокуускайга, Жатайга, Алдаҥҥа, Булуҥҥа, Үөһээ Халымаҕа, Ленскэйгэ, Мииринэйгэ, Аллараа Халымаҕа, Ньурбаҕа, Өймөкөөҥҥө, Томпоҕо, Уус Маайаҕа, Хаҥаласка, үксүлэригэр өрөмүөн номнуо түмүктэммитэ. Бэлиэтээн эттэххэ, кэнники биэс сылга эбийиэк ахсаана элбээн иһэр. Ол курдук, 2019 сыллаахха бырагырааманан элбэх кыбартыыралаах 123 дьиэ хабыллыбыт эбит буоллаҕына, 2020 с. – 200 дьиэ, 2021 с. – 173, 2022 с. – 183 дьиэ.
Ил Дархан Айсен Николаев бэлиэтээн эппитинэн, элбэх кыбартыыралаах дьиэлэргэ хапытаалынай өрөмүөн бырагырааматын олоххо киллэрииттэн уонунан тыһыынча дьон-сэргэ олоҕо быһаччы тутулуктаах.
Сиһилии https://www.sakha.gov.ru/news/front/view/id/3375838 манна ааҕыҥ.
Ахсынньы 22 күнүгэр Саха Өрөспүүбүлүкэтин доруобуйатын харыстабылын устуоруйатыгар киирэр кэрэ-бэлиэ түгэн үүннэ. Ол эбэтэр Үөһээ…
Саха сирин амарах, үтүө санаалаах дьоно тиһигин быспакка анал байыаннай дьайыыга сылдьар, госпиталларга сытар биир…
Мэҥэ Хаҥалас улууһугар Аллараа Бэстээх сэлиэнньэтигэр учаастактааҕы балыыһа үөрүүлээх аһыллыыта буолла. 1200 кв. миэтэрэттэн тахса…
Амма улууһун Олом Күөлүн эргин ардай аһыылаах бөрөлөр баалларын туһунан “Наахара” бааһынай хаһаайыстыбатын баһылыга Егор…
Хаҥалас улууһугар дьахтар бииргэ олорор эр киһитин быһаҕынан анньан эчэтэн, холуобунай дьыала тэрилиннэ. Биир сарсыарда…
Өксөкүлээх Өлөксөй аатынан Норуоттар доҕордоһууларын дьиэтигэр «НовоГОДний лабиринт МультиВСЕленной» диэн оҕо тыйаатырын туруоруутун көрдөрдүлэр. Манна…