Саха сиригэр саҥа саҕаламмыт ойуур баһаара суох

Саха сиригэр ааспыт сууккаҕа саҥа ойуур баһаара турбута бэлиэтэммэтэ, умайа турааччылар бары бохсулуннулар диэн иһитиннэрдэ СӨ экологияҕа, айылҕаны туһаныыга уонна ойуур хаһаайыстыбатыгар миниистирэ Андрей Коноплев.

Кини этэринэн, ааспыт сууккаҕа Булуҥ, Нерюнгри, Эбээн Бытантай оройуоннарыгар 4 755,1 га уопсай иэннээх 4 ойуур баһаара уонна 731 га иэннээх биир ландшафтнай баһаар умуруоруллубут.

Бэс ыйын 4 күнүн саҕаланар түүнүгэр Дьааҥы уонна Эбээн Бытантай улуустарыгар 2700 га иэннээх 2 ойуур баһаара, итиэннэ Дьааҥы улууһугар 11 га иэннээх 1 ландшафтнай баһаар умайа тураллар. Уоту умуорууга 80 киһи уонна 5 тиэхиньикэ үлэлии сылдьаллар.

Ойуур баһаарын сулууспатын уонна олохтоох дьон көдьүүстээх, сааһыламмыт үлэлэрин түмүгэр баһаардар бары бохсуллубуттарын, нэһилиэнньэлээх пууннарга суоһуур кутталлара суох буолбутун өрөспүүбүлүкэ сүрүн лесничэйэ бэлиэтээтэ диэн СӨ Ил Дарханын уонна Бырабыыталыстыбатын пресс-сулууспата иһитиннэрдэ.