Эмтиир уонна доруобуйаны чэбдигирдэр кыахтаах источниктар булулуннахтарына, олохтоох санаторийдары-курортары сайыннарыыга туһаныллыахтарын сөп.
«Санаторийга-курортка эмтэнии өҥөлөрүгэр наадыйыы улаатар. Үгүстэр өрөспүүбүлүкэ тас өттүгэр путевкалары туһаналлар, ол гынан баран, санаторийга-курортка эмтэнии Саха сиригэр эмиэ кыаллыан сөп. Өскөтүн өрөспүүбүлүкэ иһигэр ити өҥөлөр кээмэйдэрин улаатыннардахпытына, эмтиир бадараан, туус уонна минеральнай уу ылыллыытын олоҕун буллардахпытына, элбэх олохтооҕу хабыахпытын сөп, онтон эмтэнии табыгастаах буолуоҕа”, — диэн Андрей Тарасенко бүгүн СӨ бырабыыталыстыбатыгар ыыппыт мунньаҕар иһитиннэрдэ.
Билигин Саха сирин Ил Дархана Айсен Николаев сорудаҕынан байыаннай сулууспалаахтар уонна кинилэр төрөппүттэрэ доруобуйаны чөлүгэр түһэрии өҥөтүнэн босхо туһаныахтарын сөп. Онуоха кинилэр олорор сирдэринэн мэдиссиинискэй тэрилтэҕэ тиийиэхтэрин наада. Чөлүгэр түһэрии Мэдиссиинискэй реабилитация уонна успуорт мэдиссиинэтин өрөспүүбүлүкэтээҕи киинин базатыгар ыытыллар. Өрөспүүбүлүкэҕэ үлэлии турар санаторийдар улахан аҥаардара өссө сэбиэскэй кэмҥэ тэриллибиттэрэ, онон материальнай-тиэхиньиичэскэй базаларын саҥардыыга наадыйаллар. Холобур, Мэҥэ Хаҥалас улууһугар “Абалаах” санаторий эмтээх бадарааннаах күөллээх. Ону таһынан Нерюнгри оройуонугар “Нахот” сынньалаҥ базатын уонна Сунтаар улууһугар Кэмпэндээйигэ баар санаторий-профилакторий базатын саҥардыы былааннанар.
Тустаах министиэристибэлэр санаторий-курорт тэрилтэлэрин кытары өрөспүүбүлүкэҕэ бу хайысханы сайыннарыы бырайыагын бэлэмнииллэр.
(СӨ Ил Дарханын уонна бырабыыталыстыбатын пресс-сулууспатын матырыйаалынан)
Уус Алдан улууһун Бээди оскуолатын 2-с кылааһын үөрэнээччитэ Эрхан Захаров улахан киһилии хорсун быһыыны оҥорбут,…
Дойду бэрэсидьиэнэ Владимир Путин көҕүлээһининэн Саха сиригэр култуура сайдар. “Добро.рф ассоциацияҕа” киирэр “Култуура волонтердара” Бүтүн…
Уус Алдан улууһун Бороҕоннооҕу оҕо ускуустубатын оскуолатын материальнай-тиэхиньиичэскэй баазата биллэрдик хаҥаабыт. Дойду бэрэсидьиэнэ Владимир Путин…
Быйыл Арктика улуустарыгар Арктикатааҕы атыы-логистика хампаанньата олохтоох хаһаайыстыбалар үүннэрбит хаппыысталарын, сүбүөкүлэлэрин, моркуоптарын уонна хортуоппуйун киллэрэн…
ИДьМ Дьокуускайдааҕы 4-с нүөмэрдээх полиция салаатын дьуһуурунай чааһыгар, мэдиссиинэ тэрилтэтиттэн, куорат биир кыбартыыратыгар эр киһи…
Киһи кулгааҕа тыаһы, дорҕоону икки кулгааҕынан истэргэ аналлаах. Өскөтүн биир эрэ кулгаахха наушнигы кэтэн иһиттэххэ…