Эмтиир уонна доруобуйаны чэбдигирдэр кыахтаах источниктар булулуннахтарына, олохтоох санаторийдары-курортары сайыннарыыга туһаныллыахтарын сөп.
«Санаторийга-курортка эмтэнии өҥөлөрүгэр наадыйыы улаатар. Үгүстэр өрөспүүбүлүкэ тас өттүгэр путевкалары туһаналлар, ол гынан баран, санаторийга-курортка эмтэнии Саха сиригэр эмиэ кыаллыан сөп. Өскөтүн өрөспүүбүлүкэ иһигэр ити өҥөлөр кээмэйдэрин улаатыннардахпытына, эмтиир бадараан, туус уонна минеральнай уу ылыллыытын олоҕун буллардахпытына, элбэх олохтооҕу хабыахпытын сөп, онтон эмтэнии табыгастаах буолуоҕа”, — диэн Андрей Тарасенко бүгүн СӨ бырабыыталыстыбатыгар ыыппыт мунньаҕар иһитиннэрдэ.
Билигин Саха сирин Ил Дархана Айсен Николаев сорудаҕынан байыаннай сулууспалаахтар уонна кинилэр төрөппүттэрэ доруобуйаны чөлүгэр түһэрии өҥөтүнэн босхо туһаныахтарын сөп. Онуоха кинилэр олорор сирдэринэн мэдиссиинискэй тэрилтэҕэ тиийиэхтэрин наада. Чөлүгэр түһэрии Мэдиссиинискэй реабилитация уонна успуорт мэдиссиинэтин өрөспүүбүлүкэтээҕи киинин базатыгар ыытыллар. Өрөспүүбүлүкэҕэ үлэлии турар санаторийдар улахан аҥаардара өссө сэбиэскэй кэмҥэ тэриллибиттэрэ, онон материальнай-тиэхиньиичэскэй базаларын саҥардыыга наадыйаллар. Холобур, Мэҥэ Хаҥалас улууһугар “Абалаах” санаторий эмтээх бадарааннаах күөллээх. Ону таһынан Нерюнгри оройуонугар “Нахот” сынньалаҥ базатын уонна Сунтаар улууһугар Кэмпэндээйигэ баар санаторий-профилакторий базатын саҥардыы былааннанар.
Тустаах министиэристибэлэр санаторий-курорт тэрилтэлэрин кытары өрөспүүбүлүкэҕэ бу хайысханы сайыннарыы бырайыагын бэлэмнииллэр.
(СӨ Ил Дарханын уонна бырабыыталыстыбатын пресс-сулууспатын матырыйаалынан)
Саха сиригэр чугастааҕы кэмҥэ ураты баһаарынай эрэһиим биллэриллиэҕэ. Маннык быһаарыы сылаас күннэр турбуттарынан уонна бастакы…
Саха сиригэр соҕуруулуу-илин, түүн киин улуустарга инчэҕэй хаар уонна ардах түһэрэ күүтүллэр, оттон өрөспүүбүлүкэ атын…
Андрей Находкин, Ил Түмэн Сир сыһыаннаһыыларыгар, айылҕа ресурсаларыгар уонна экологияҕа сис кэмитиэтин бэрэссэдээтэлэ. Патриотизм туһунан санаатын…
Ыччаты байыаннай-спортивнай бэлэм уонна патриоттуу тыыҥҥа иитии боппуруостарын Ил Дархан Айсен Николаев уонна "Буойун" киин…
Эбийиэктэргэ баһаартан сэрэхтээх буолууну, санитарнай нуормалары тутуһууну уо.д.а. боппуруостары "Азия оҕолоро" норуоттар икки ардыларынааҕы спортивнай…
Ил Дархан Айсен Николаев уонна СӨ Ил Дарханын иһинэн үлэлиир Урбаан сүрүннүүр сэбиэтин бэрэссэдээтэлин солбуйааччыта, …