Хаартыска СӨ Биологическай ресурсаларга уонна ураты харыстанар сирдэр дириэксийэтин телеграмм-ханаалыттан
Ааспыт сылга Владивостокка, Илин экономическай форум кэмигэр, Ил Дархан Айсен Николаев «Полет Стерха» бырайыак саҕаламмытын туһунан бэлиэтээн эппитэ диэн СӨ Биологическай ресурсаларга уонна ураты харыстанар сирдэр дириэксийэлэрэ иһитиннэрэр.
Планета саамай сэдэх көтөрдөрүттэн биирдэстэрэ – маҥан туруйа – Арассыыйаҕа эрэ уйаланар, оттон кыстыырыгар Кытайга көтөр. Онуоха Саха сирин туундаратыгар аан дойду кыталыктарын уопсай ахсаанын 90 бырыһыаныттан ордуга сымыыттыыр.
«Полет Стерха» бырайыак биир сүрүн түһүмэҕэ – резерват территориятыгар экологическай суолу оҥоруу. Ону таһынан, онно саҥа кордон тутуллубута уонна көтөрдөрү биһилэхтээһин ыстаансыйата үлэтин саҕалаата. Охотскай Перевозка визит-киини тутуу түмүктэнэн эрэр. Бу эбийиэктэри тутуу биир сир баайын хостуур хампаанньаны кытта бииргэ үлэлээһин түмүгэр тутуллубуттара. Орнитологическай обсерватория аҥардас дьиикэй айылҕаҕа көтөрдөрү кэтээн көрөөччүлэргэ эрэ буолбакка, Алдан орто сүүрүгүн территориятыгар баар тыыннаах айылҕаны интэриэһиргээччилэр эмиэ сөбүлээн сылдьар сирдэринэн буолуоҕа.
Балаҕан ыйын 25 күнүгэр Охотскай Перевозка аһаҕас халлаан анныгар норуоттар икки ардыларынааҕы орнитологическай обсерватория үөрүүлээх быһыыга-майгыга үлэҕэ киириэҕэ – сэдэх көтөрдөр, бастатан туран, кыталык илин популяцияларын, көһүүлэрин суолун үөрэтэргэ аналлаах баазанан буолуоҕа.
Тыа сирин олохтоохторо айылҕа кэрэтин куруук таба көрөн, хаартыскаҕа түһэрэн үйэтитэллэр. Ол курдук, Мэҥэ Хаҥалас…
Бүгүн, балаҕан ыйын 11 күнүгэр, Арассыыйа Бырабыыталыстыбатын бэрэссэдээтэлин солбуйааччы Марат Шакирзянович Хуснуллин салалтатынан ыытыллыбыт суһал…
Быйыл мэдиссиинэ идэлэригэр орто анал үөрэҕи 1806 киһи бүтэрэн, диплом ылла. Ол курдук, кинилэр Дьокуускай,…
Массыына уонна сатыы киһи хаамар сирэ, газоннар, олордуу үүнээйини чөлүгэр түһэрии хаачыстыбата, сир үлэтин тэрийии…
Ааспыт сууккаҕа Дьокуускай икки олохтооҕо түөкүттэр угаайыларыгар киирэн биэрбит. Бу туһунан СӨ ИДьМ пресс-сулууспата иһитиннэрэр.…
Саха сирин баһылыга Айсен Николаев "Комсомольскя правда" суруналыыһа Александр Гамовка интервьюга ВЭФ-2025 кэмигэр Саха сирин…