Саха сиригэр сэрэҕэ суох туттууттан киһини өлөрүүгэ дьыала тэрилиннэ

Саха сиригэр 43 саастаах эр киһи булт кэмигэр сэрэҕэ суох туттууттан киһини өлөрүүгэ уорбаланар.

Ол туһунан олунньу 18 күнүгэр Саха сиринээҕи Силиэстийэлиир кэмитиэтин пресс-сулууспатыгар иһитиннэрдилэр.

«Саха сиринээҕи Силиэстийэлиир кэмитиэтин Чурапчытааҕы отдела 43 саастаах эр киһиэхэ булт кэмигэр сэрэҕэ суох туттууттан киһини өлөрүүгэ холуобунай дьыаланы тэрийдэ», – диэн иһитиннэриигэ этиллэр.

Быһылаан олунньу 16 күнүгэр Иирэлээх сиргэ тахсыбыт. Эр киһи чугастыы тайаҕы көрөн, «Тигр» булт харабыын саанан кыыл диэки туһаайан ыппыт ыппыт уонна алҕас атын булчуту бааһырдыбыт. Өлбүт булчут моонньугар курдары ытыллан, тутатына миэстэтигэр өлбүт.

Тахсыбыт быһылаан бары төрүөтүн быһаарыыга процессуальнай дьайыылар ыытыллаллар. Наадалаах экспертнэй чинчийиилэр ананнылар.