Саха сиригэр «Сэрэниҥ – оҕолор!» сэрэтэр тэрээһин саҕаланна

Ыам ыйын 15 күнүттэн бэс ыйын 15 күнүгэр диэри өрөспүүбүлүкэ иһигэр «Сэрэниҥ – оҕолор!» сэрэтэр тэрээһин бастакы түһүмэҕэ саҕаланна.

Ол туһунан СӨ Суолга-иискэ куттал суох буолуутун хааччыйар судаарыстыбаннай иниспиэксийэ салалтатын пресс-сулууспата иһитиннэрэр.

Тэрээһин сыалынан, сокуоннай саастарын туола илик оҕолор суол-тырааныспар оһолугар түбэһиилэриттэн сэрэтэр уонна куттал суох буолуутун хааччыйыы үлэтин күүһүрдүү буолар.

Сааскы-сайыҥҥы кэмнэргэ саастарын ситэ илик, бэлисипиэттээх, матасыыкыллаах оҕолор, суоппардар уонна олорсооччулар, скутеристар, о.д.а.  кыттыылаах суол-тырааныспарын быһылааннара элбиир.

Ону таһынан каникул кэмигэр иллэҥсийбит сатыы сылдьар оҕолор суолунан хаамсыылара элбиир, суол быһылаанын тахсыыта улаатар. Ол курдук, 2023 сыл түөрт ыйын түмүгүнэн, өрөспүүбүлүкэҕэ сааһын ситэ илик оҕолор кыттыылаах 25 суол-тырааныспар быһылаана тахсыбыта бэлиэтэммит. Ол түмүгэр 27 оҕо араас эт-хаан эчэйиитин ылбыт.