Саха сиригэр сэрии сылын оҕолоругар төлөбүр олохтонуоҕа

Саха сиригэр сэрии сылын оҕолоругар сыллата бэриллэр төлөбүр баар буолуоҕа. Бу туһунан Ил Дархан бэтэрээннэр өрөспүүбүлүкэтээҕи пуорумнарыгар Үлэ министиэристибэтигэр сорудахтаата. 

Ил Дархан уонна бырабыыталыстыба дьаһалтатын пресс-сулууспата иһитиннэрэринэн, төлөбүр 2024 сылтан бэриллиэҕэ. Бу материальнай өйөбүлү сэрии сылын оҕолоро Кыайыы күнүгэр тутуохтара. Маныаха СӨ Үлэҕэ министиэристибэтэ Ил Дархан ыйааҕын бырайыагын толкуйдуоҕа.

Санатан суруйдахха, бүгүн Курскай кыргыһыыга Сэбиэскэй сэриилэр ньиэмэс халабырдьыттарын үлтүрүтүүлэрин 80 сыла бэлиэтэнэр.