Саха сиригэр сэтинньигэ 895 оҕо күн сирин көрбүт

2024 сыл сэтинньитигэр Саха сиригэр 895 оҕо күн сирин көрбүт: 449 уол уонна 446 кыыс. Өрөспүүбүлүкэҕэ 11 ый устата барыта 9834 оҕо төрөөбүт, онтон кыыһа 4840, уола — 4994.

ЗАГС дааннайдарынан, сэтинньигэ төрөөбүт уолчааннары Лев, Мирон, Арсений, Виктор, Марк, Роман, Харысхан диэн ааттарынан элбэхтэ ааттаабыттар. Оттон ураты ааттаах уолаттарынан Адам, Арун, Демид, Мирослав, Нико, Райэл, Салмон буолбуттар.

Ааспыт ыйга төрөөбүт кыргыттары Диана, Аделина, Виктория, Мия, Анна, Милана, Варвара диэн элбэхтэ ааттаабыттар. Оттон Дия, Злата, Марва, Раёона, Тиана, Элима, Юна ураты ааттарга киирсибиттэр.