Саха сиригэр сэттэ баһаар баара бэлиэтэнэр

Өрөспүүбүлүкэ үрдүнэн бүгүн сэттэ айылҕа баһаара баара бэлиэтэнэр.

Баһаар төрүөтэ – айылҕаҕа уоту сэрэҕэ суох туттуу. Мантан түөрт баһаар Дьокуускай кытыытыгар, Нам, Мэҥэ Хаҥаласк, Муома оройуоннарыгар биирдии баһаар бэлиэтэнэр. Уот хаппыт уопсай иэнэ 474 га. Ааспыт өрөбүллэргэ 163 га иэннээх 4 айылҕа баһаара умуруоруллубута.

«Баһаар үксэ уу кытыытыгар. Дьон олорор сиригэр уот киирэр куттала суох. Олохтоохтор өртөөһүнтэн туттунарыгар ыҥырабыт”, — диэн этэр СӨ Экология миниистирин солбуйааччы Андрей Коноплев.

Бу күннэргэ 20 га иэннээх сиринэн биэс ойуур баһаара Дьокуускай, Нам, Хаҥалас улуустарыгар умуруоруллубута. Бүгүн биир даҕаны ойуур баһаара бэлиэтэммэтэ.