Саха сиригэр шахтаҕа оробуочай өлбүт

Нерюнгри улууһугар шахтаҕа оробуочай өлбүт. Кинини хайа боруодатын алдьатар уонна тырааныспарга тиэйэр үлэлии турар хамбаайын иһигэр тардан ылбыт.

СӨ Борокуратууратын пресс-сулууспата иһитиннэрбитинэн, эр киһи хамбаайын ааһар сиригэр кэҥэтэр үлэни толоро сылдьыбыт. Ол курдук, ааһан иһэр хайа боруодатын алдьатар хамбаайын кинини иһигэр тардан ылбыт. Оробуочай миэстэтигэр өлбүт. Тахсыбыт түбэлтэ чахчытынан бэрэбиэркэ ыытыллар. Быһылаан тахсыбыт төрүөтэ быһаарыллар. Үлэ харыстабылын уонна да атын боппуруостарга сокуон тутуһуллуутун  биэдмистибэ эмиэ сыаналыаҕа.