Анивера Акимова хаартыската
Саха Өрөспүүбүлүкэтин Экологияҕа, айылҕаны туһаныыга уонна ойуур хаһаайыстыбатыгар министиэристибэтэ 2024 сылга Саха сирин сиригэр-уотугар отоннору уонна үүнээйи аһын хомуйуу болдьоҕун олохтоото.
От ыйын 10 күнүттэн Амма уонна Уус Алдан оройуоннарыгар дьэдьэнниэххэ сөп. От ыйын 15 күнүттэн Таатта, Чурапчы, Уус Алдан оройуоннарыгар дьэдьэни уонна хаптаҕаһы хомуйуу көҥүллэнэр. Сугуну от ыйын 20 күнүттэн хомуйуу саҕаланар.
Моонньоҕон уонна уулаах отон атырдьах ыйын ортотугар ситиэхтэрэ. Ол курдук, киин оройуоннарга уонна Бүлүү умнаһын улуустарыгар уулаах отону атырдьах ыйын 25 күнүттэн, хоту оройуоннарга атырдьах ыйын бүтүүтэ хомуйарга сөп буолар.
Уохтаны хоту оройуоннарга атырдьах ыйын бастакы декадатыттан саҕалаан хомуйуохтара.
Малина Бүлүү оройуоннарыгар үүнэр, ону от ыйын 16-22 күннэригэр хомуйуу көҥүллэнэр.
Черниканы быйыл Мииринэй оройуонугар атырдьах ыйын саҕаланыыта, оттон Ленскэй, Нерюнгри оройуоннарыгар атырдьах ыйын ортотуттан хомуйан саҕалыахха сөп.
Кедр эриэхэтэ атырдьах ыйын 25 күнүттэн, оттон сорох оройуоннарга балаҕан ыйын 1 күнүттэн ситэр.
Тэллэйи хаһан баҕарар хомуйуохха син.
Олохтоммут болдьоххо сир аһын хомуйуу бэйэҕит амсайаргытыгар эрэ көҥүллэнэр. Айылҕа быйаҥын атыыга анаан хомуйууга сокуон быһыытынан ойуур учаастагын арыандалааһын дуогабарын түһэрсии ирдэнэр.
Дьон ойуурга үүнэр отоннору хомуйа туох да хааччахтааһына суох сылдьар кыахтаахтар, ол иһигэр ойуур пуондатыгар ким эрэ арыандалаабыт учаастагар.
Куйаас, кураан күннэр туралларынан уонна сир аһын хомуйуу саҕаланара чугаһаабытынан ойуурга кутаа уотун туһаныы көҥүллэммэт. Бэйэҕитин кытта бэлэм астаах уонна тиэрмэскэ итии аһылыктаах сылдьыҥ. Ойуурга сылдьыы быраабылатын тутуһуу күөх ойуурбутун баһаартан көмүскүөҕэ.
Соторутааҕыта Мэҥэ Хаҥалас улууһугар Төҥүлү нэһилиэгэр “Нөмүгү“ сайылыгар уонтан тахса сыл олохсуйан олорор Николай Баишев-Бойцов…
Быйыл Ньурбатааҕы судаарыстыбаннай көһө сылдьар драматическай тыйаатыр бастакы дириэктэрэ, Саха АССР үтүөлээх артыыһа Александр Алексеевич…
Өймөкөөн улууһугар уһун кэмнээх ардахтартан сорох нэһилиэнньэлээх пууннар ууга барбыттарынан сибээстээн, балаҕан ыйын саҥатыгар Өймөкөөн,…
Бүгүн, балаҕан ыйын 19 күнүгэр, Ил Дархан Айсен Николаев Орто Халыма куоратыгар үлэлээтэ. “Орто Халыма…
Синоптиктар бэлиэтииллэринэн, балаҕан ыйын 20 күнүгэр киин улуустарга -3...-8 кыраадыска диэри тымныйыан сөп. Дьокуускайга түүн …
Дьокуускай куоракка уулуссалар ааттарын, дьиэлэр нүөмэрдэрин бэрэдээктээһин ыытыллар буолбута көстөр. Ол курдук, соторутааҕыта Ленин проспегар…