Байыастар чугас дьонноругар өйөбүл, көмө салҕанар

Саха сиригэр социальнай чөлгө түһүүнү социальнай көмүскэл управлениетын хайысхатынан байыаннай дьайыы кыттыылаахтарын 489 дьиэ кэргэнэ ааста.

Балар истэригэр 287 оҕо, 202  улахан киһи. Бу туһунан бүгүн брифинг кэмиигэр өрөспүүбүлүкэтээҕи чөлгө түһэрэр киин дириэктэрин эбээһинэһин толорооччу Анна Пудова иһитиннэрдэ.

«Бастаан киһи доруобйатыгар сыһыаннаах быраастар көрөр-истэр диагностикалара ыытыллар. Оҕолору кытта психолог, логопед, дефектолог үлэлэһэр. Массаас, физиопроцедура, бассейн, лечебнай физкультура ыытыллар «, — диэтэ. Маны сэргэ оҕолор сокуоннай бэрэстэбиитэллэрин кытта психолог үлэлэһэр. Маастар-кылаастар, уо.д.а. ыытыллаллар.  Чөлгө түһүү хайысхатын олорор сиргинэн социальнай көмүскэл управлениета биэрэр. Бырагыраама оҕолорго   18 саастарыгар диэри үлэлиир. Стационарга 21 күн устата чөлгө түһүү барар.