Андрей Сорокин хаартыскаҕа түһэриитэ, ЯСИА
Үс сыллааҕы өрөспүүбүлүкэ судаарыстыбаннай бүддьүөтүн торумнааһыҥҥа Саха сирин Бырабыыталыстыбата тутаах хайысхаларга гражданнары социальнай өйөөһүнү үбүлээһин кээмэйин оннунан хаалларыаҕа.
2026 сылга социальнай эйгэҕэ бүддьүөт кээмэйэ 26,76 млрд солк. тэҥнэһэр, ити 2025 сыллааҕы көрдөрүүнү 210,5 мөл солк. куоһарар, диэтэ Саха сирин үбүн миниистирин эбээһинэһин толорооччу Иван Алексеев.
“Социальнай эйгэни туруктаахтык уонна балачча үбүлээһин бырабыыталыстыба тугу тумус тутарын көрдөрөр”, — диэтэ кини. 2026 сылга оҕолоох ыаллары күүскэ өйүөхтэрэ. “Дьиэ кэргэн” өрөспүүбүлүкэтээҕи ийэ хапытаалыгар, эдэр ыалларга төлөбүрдэр уонна оҕо төрөөтөҕүнэ бэриллэр биир кэмнээх босуобуйаны үбүлээһин 117,5 мөл солк. тэҥнэһиэҕэ, маныаха бары үлэлии турар бырагыраамалар оннунан хаалыахтара.
2026 сылга ураты болҕомто элбэх оҕолоох ыаллары өйөөһүҥҥэ, аҕа көлүөнэ бырагыраамаларыгар, инбэлииттэри уонна инбэлиит-оҕолору чөлүгэр түһэриигэ, ону тэҥэ социальнай хайысхалаах кэмиэрчэскэйэ суох тэрилтэлэргэ ууруллар. Социальнай эбийиэктэри тутууга 764,4 мөл солк. Саха сирин Инвестиционнай бырагырааматын чэрчитинэн көрүллүө диэн үп миниистирэ бэлиэтээтэ.
Онон 2026 сылга Саха сиригэр өйөбүл бары миэрэлэрэ оннунан хаалалларын сэргэ оҕолоох ыалары өйөөһүҥҥэ уонна социальнай инфраструктура сайдыытыгар бырагыраамалары үбүлээһин улаатыаҕа. Ил Түмэн пленарнай мунньаҕар дьүүллэһии түмүгүнэн
“О государственном бюджете Республики Саха (Якутия) на 2026 год и на плановый период 2027 и 2028 годов” сокуон барылын ылыннылар.
sakha.gov.ru
Сиһилии: https://www.sakha.gov.ru/news/14243
Борис Федорович Неустроев-Мандар Уус 80 сааһын туолбутунан, АЛРОСА хампаанньа Накыын руднигыттан хостоммут 51,39 карааттаах бөдөҥ…
ИДьМ сулууспатын 1 №-дээх полициятын отделын дьуһуурунай чааһыгар таксыы өҥөтүн оҥорор дьахтар тыллаабыт. Кини массыына…
«Дьиэ кэргэн» национальнай бырайыак «Ийэ уонна оҕо харыстабыла» бырагырааматын чэрчитинэн ыытыллар, 2025 сылга өрөспүүбүлүкэ территориятыгар…
Саха Өрөспүүбүлүкэтин Арбитражнай суутун 2025 с. сэтинньи 11 күнүнээҕи быһаарыытынан, «Саха Өрөспүүбүлүкэтин Биологическай ресурсалар, ураты…
Саха сиригэр байыаннай дьайыы бэтэрээннэрин үөрэх эйгэтигэр үлэҕэ ордук көхтөөхтүк тардар былааннанар. Бу туһунан СӨ…
Соторутааҕыта Кытай Харбин куоратыгар Норуоттар икки ардыларынааҕы муус уонна хаар оҥоһуктар күрэхтэһиилэрэ үгэс быһыытынан 37-с…