Өрөспүүбүлүэҕэ гааһы киллэрии үлэтэ тэтимнээх
2023 сылга Саха сиригэр бөһүөлэктэр икки ардыларынааҕы гаас ситимин икки сиргэ – Мэҥэ Хаҥалас улууһун Бүтэйдээх-Өлөчөй, Чурапчы улууһун Чурапчы- 1 Харбала тутуу саҕаланыаҕа. Бүлүү улууһун Хампа сэл. – Эбэ сэл. гаас ситимин тутуу үлэтэ салгыы ыытыллыаҕа. Ону тэҥэ Хаҥалас улууһун Хачыкаат сэл. бөһүөлэктэр икки ардыларынааҕы гаас ситимин тутар-таҥар үлэтин үһүс түһүмэҕэ саҕаланыаҕа, диэн өрөспүүбүлүкэ бырамыысыланнаска уонна геологияҕа министиэристибэтэ иһитиннэрдэ.
“Биһиги гаас үлэһиттэрбит Саха сирин гастааһын бүттүүн устуоруйатыгар муҥутуур түмүктэри ситистилэр. Былырыын 336 км усталаах ситим тутуллубута, бу 2021 сыллааҕар 25 төгүл элбэх. 2800 тахса дьиэ “күөх төлөҥҥө” холбонно, оттон 2023 сыл бүтүүтэ өссө 2100 дьиэ холбонуоҕа. “Сила Сибири” кыйа сытар нэһилиэнньэлээх пууннарга – Алдан, Ленскэй, Өлүөхүмэ уонна Нерюнгри оройуоннарыгар гаастааһын саҕаланыаҕа. Үлэ салгыы ыытыллыаҕа. 2030 сылга диэри 15,5 тыһыынча дьиэҕэ гаас киириэҕэ”, — диэн эрдэ Айсен Николаев этэр турар.
Быйыл Өлүөхүмэҕэ гааһы тыырар автоматизированнай ыстаансыйаттан (АГРС) бөһүөлэктэр икки ардыларынааҕы гаас ситимин тутуу Өлүөхүмэ оройуонун нэһилиэнньэлээх пууннарыгар , ону тэҥэ гааһы тиэрдэр гаас ситимнэриттэн Ленскэй оройуон Бэчинчэ, Мурья сэл. уонна Нерюнгри оройуонун Иенгрэ сэл., Чульман куораттыы тииптээх бөһ. диэри саҕаланыаҕа.
Санатан эттэххэ, социальнай гаастааһыҥҥа Саха сирэ Уһук Илиҥҥэ бастаан иһэр уонна Арассыыйа Федерациятыгар бэһис миэстэлээх.
Саха Өрөспүүбүлүкэтин Ил Дарханын уонна Саха Өрөспүүбүлүкэтин Бырабыыталыстыбатын пресс-сулууспата
СИА хаартыската.
Балаҕан ыйын 8 күнэ. Ил Дархан өрөспүүбүлүкэ олохтоохторун Арассыыйа норуоттарын тылларын күнүнэн эҕэрдэлээтэ. «Төрөөбүт тылларбытын…
Сунтаар улууһун олохтооҕо хат итирик туруктаах массыынаҕа олорон сууттанна. Бу туһунан СӨ Борокуратуурата иһитиннэрдэ. Ол…
Мэҥэ Хаҥалас улууһун кыһалҕатын уонна кэскилин туһунан "Саха сирэ - Дьоруойдар сирдэрэ" бырагыраама кыттыылаахтара биллилэр.…
Кэнники сылларга Дьокуускай куоракка араас кыылы-сүөлү, хара, кыһыл саһыллары, тыҥырахтаах көтөрү, тииҥи көрбүттэрин, ааҕааччыларбыт хаартыскалаан…
Арассыыйаҕа сылын ахсын ыытыллар «Мисс Россия 2025» куонкуруска 90 тыһыынчаттан тахса сайаапка киирбит диэн ТАСС…
Нам улууһугар хортуоппуй уонна оҕуруот аһын үүннэриитинэн дьарыктанар бааһынай хаһаайыстыбаларга уонна производственнай кооперативтарга билигин саамай…