Саха сиригэр социальнай гаастааһын сыллааҕы былаана болдьоҕун иннинэ туолбут

Саха сиригэр сыл саҕаланыаҕыттан Бэрэсидьиэн социальнай гаастааһын бырагырааматынан 1874 ыалга гаас киирбит.

“Күн бүгүн гаас үлэһиттэрэ 1874 ыалы гаас ситимигэр холбоотулар. Үлэ салгыы барар, бу сыыппара үрдээн иһиэҕэ. 2021 сылтан өрөспүүбүлүкэҕэ барыта 7754 ыал дьиэтэ гааска холбонно. Бу Арассыыйа Бэрэсидьиэнэ Владимир Владимирович Путин социальнай гаастааһын туһунан бырагырааматын көҕүлээһининэн, “Биир ньыгыл Арассыыйа” баартыйа өйөбүлүнэн туолла”, – диэн Айсен Николаев бэлиэтээтэ.

2021 сылтан Саха сирин 7,7 тыһ. тахса ыалыгар күөх төлөн холбонно. Өрөспүүбүлүкэ социальнай гаастааһын тэтиминэн Уһук Илин федеральнай уокурукка бастакы миэстэҕэ сылдьар.

Күн бүгүн өрөспүүбүлүкэҕэ 108 нэһилиэнньэлээх пууҥҥа гаас тиийдэ. Экологическай оттугу өссө 85 сэлиэнньэҕэ, бөһүөлэккэ тириэрдэр былааннаахтар. Итини таһынан, гааһы туһанан оҥорон таһаарар кыамталаах кэккэ тутуулар бырайыактара олоххо киирэллэр: Новоленскайдааҕы ТЭС, Соҕурууҥҥу Саха сирин ТЭС.

Ил Дархан уонна Бырабыыталыстыба пресс-сулууспата.