Хаартыска: СӨ наукатын дьоҕус акадьыамыйата
Бэс ыйын 23 күнүгэр Саха сиригэр Наука дьоҕус акадьыамыйатыгар «Созидаем будущее вместе» диэн пуорум ыытыллыаҕа. Тэрээһин Үүнэр көлүөнэ тус сыаллаах пуондатын 30 сылыгар ананныаҕа.
Ил Дархан Айсен Николаев өрөспүүбүлүкэ сайдыытыгар корпоративнай социальнай эппиэтинэс уонна суолталаах бырайыактары олоххо киллэрии улахан оруоллаахтарын тоһоҕолоон бэлиэтээтэ. Быйыл тэрээһин саҥа форматтаах ыытыллыаҕа. Манна быраабыталыстыба, уопсастыба уонна биисинэс бэрэстэбиитэллэрэ кыттыыны ылан, социальнай бырайыактары оҥорон таһаарыыга үлэлиэхтэрэ.
Тэрээһини Саха сирин Үүнэр көлүөнэ тус сыаллаах пуондата өрөспүүбүлүкэ бырабыыталыстыбатын, Биир кэлим ресурснай киини, Үүнэр көлүөнэ пааркатын уонна Наука дьоҕус акадьыамыйатын кытта ыытар. Маны таһынан пуорумҥа биисинэс бэрэстэбиитэллэрэ кыттыахтара. Сүрүн партнёрдар: АЛРОСА хампаанньаны кытта «Эльгауголь» уонна «Таас-Юрях Нефтегазодобыча».
«Быйыл биһиги тэрээһин форматын уларытан, доҕордоһуу пуорума диэн ааттаатыбыт, тоҕо диэтэххэ былаас, уопсастыба уонна биисинэс өрөспүүбүлүкэ инники кэскилигэр бииргэ үлэлиир «доҕоттор» буолаллар. Күүспүтүн түмэн, биһиги эрэгийиэммит уонна дойдубут сайдыытын хааччыйыахпытын сөп. Пуорумҥа биһиги инники бырайыактары, бииргэ үлэлээһин механизмнарын уонна хайысхаларын дьүүллэһиэхпит. Тэрээһин түмүгүнэн меморандум баттаныаҕа», — диэн Үүнэр көлүөнэ тус сыаллаах пуондатын дириэктэрэ Владимир Егоров эттэ.
Социальнай бырайыактары өйүүр эйгэҕэ өр сыллаах бииргэ үлэлээһин холобурунан АЛРОСА буолар. Саха алмаастаах хампаанньата уонна Үүнэр көлүөнэ тус сыаллаах пуондата 30 сыл устата өрөспүүбүлүкэ инники сайдыытын бырайыактарын олоххо киллэриигэ үлэлэһэллэр, социальнай инфраструктура эбиэйиэктэрин туталлар, Саха сирин оҕолорун уонна ыччатын айар кыаҕын арыйыыга усулуобуйаны тэрийэллэр.
АЛРОСА уонна пуонда икки ардыларыгар сөбүлэһиилэрэ хампаанньа аһымал үлэтин биир саамай улахан хайысхатынан, көдьүүстээх социальнай инвестициялар чаҕылхай холобурунан буолар. Бүгүҥҥү күҥҥэ, өрөспүүбүлүкэ үрдүнэн тутуллубут хас да уонунан социальнай суолталаах эбийиэктэр, оҕо уонна спортивнай былаһааккалар, хас да сүүһүнэн үлэҕэ киирбит бырайыактар, тэрээһиннэр уонна аахсыйалар бааллар. Сөбүлэһии чэрчитинэн кэмиэрчэскэйэ суох секторы уонна гражданскай көҕүлээһиннэри өйөөһүн, муниципалитеттарга территорияны кэлимник сайыннарыы боппуруостарыгар көмө оҥоһуллар.
Пуорум бырагырааматын кытта саайтка билсиэххэ сөп: https://созидаембудущеевместе.рф
Бу киэһэ Ньурбаҕа ардах курулаччы түһэ турарын туһунан видео социальнай ситимнэринэн тарҕана турар. "Ньурбаҕа ардах…
Булуҥ оройуонун суута 37 саастаах Эдьигээн оройуонун олохтооҕор бириигибэрин таһаарда. Эр киһи соруйан доруобуйаҕа ыарахан…
Улан-Удэ куоракка ыытыллыбыт норуоттар икки ардыларынааҕы уонна Бүтүн Арассыыйатааҕы гиирэ успуордун турнирыгар Нам улууһун "Олимпик"…
Дьаҥ-дьаһах сатыылыыр. Хайа эрэ оскуолаҕа харантыын тохтоон, оҕолор үөрэнэ тахсалар. Оттон Хаҥалас улууһун П.С.Скрябин аатынан …
Бу күннэргэ Хаҥалас улууһун 2-с Малдьаҕар бочуоттаах олохтооҕо, байыаннай дьайыы кыттыылааҕа, «Саха Боотур» диэн уол…
Ааспыт нэдиэлэҕэ Саха сиригэр Татарстан Өрөспүүбүлүкэтиттэн дэлэгээссийэ оробучай сырыытынан кэлэн барда. Сырыы сүрүн сыала Саха…