Хаартыска: СИА
Эрэгийиэн бырабыыталыстыбатын мунньаҕар сокуон барыла бигэргэннэ уонна өрөспүүбүлүкэ парламеныгар көрүүгэ киллэриллиэҕэ.
Сокуон барылынан “Тыа хаһаайыстыбатын сайдыытын туһунан” билигин туһаныллар өрөспүүбүлүкэтээҕи сокуонугар субсидия ылыан баҕалаахтарга административнай харгыстары аччатар туһуттан уларытыылар киллэрилиннилэр.
Ол курдук, муниципальнай оройуоннар (куораттааҕы уокуруктар) таһымнарыгар соҕотуопкалыыр тэрилтэлэри сүүмэрдээһин процедуратын субсидияны ылааччылары сүүмэрдээһини кытта холбуурга этилиннэ. Ас-үөл бородуукталарын оҥорон таһаарыыга субсидияны ылааччыларга ирдэбиллэри субсидияны биэрии бэрээдэгин олохтуур нормативнай быраап аакталарыгар олохтуурга диэтилэр.
Сокуон барылыгар ону тэҥэ тыа хаһаайыстыбатыгар үлэ субъектарын биир кэлим реестригэр сайаапкаламмыт (баҕа өттүнэн) бэрээдэгинэн киллэриллибит тыа хаһаайыстыбатыгар үлэлиир субъектарга судаарыстыба өйөбүлүн биэрэр туһунан ирдэбили суох оҥорорго этилиннэ. Субсидияны ылар быраабы бигэргэтэр туһунан ирдэбиллэри субсидияны биэрии бэрээдэгин олохтуур быраап аакталарыгар олохтуохтара.
Туһанылла сылдьар сокуону электроннай көрүҥүнэн тыа хаһаайыстыбатын сайдыытын эйгэтигэр судаарыстыба өйөбүлүн ылыыга сайаапкан биэрии нуорматынан эбэргэ этии киирдэ.
Маны сэргэ бырайыак билиҥҥи сокуоҥҥа уларыйыыны киллэрэр: “тыа хаһаайыстыбатын бородууксуйатын уонна промысловай бородууксуйаны туттарааччылар”, “соҕотуопкалыыр тэрилтэлэр”, “соҕотуопка, таҥастааһын уонна тыа хаһаайыстыбатын бородууксуйатын тиһигэ”, “тыа хаһаайыстыбатыгар үлэлиир субъектар биир кэлим реестрдэрэ” диэн өйдөбүллэр аны тохтууллар.
Саха Өрөспүүбүлүкэтин Ил Дарханын уонна Саха Өрөспүүбүлүкэтин Бырабыыталыстыбатын пресс-сулууспата
Бу ураты каарта оҕолорго төрөөбүт дойдуларын дириҥник өйдүүргэ уонна умнуллубат өйдөбүллэри бэлэхтиэҕэ. Манна Саха сирин…
Соторутааҕыта Ыксаллаах быһыы-майгы министиэристибэтин 35 сылыгар аналлаах тэрээһин Уһук Илин бастыҥ баһаарынайдарын түмтэ. Бу туһунан…
От ыйын 3 күнүттэн 5 күнүгэр диэри Нерюнгрига өрөспүүбүлүкэтээҕи Олоҥхо ыһыаҕа ыытылларынан сибээстээн, арыгыны атыылааһыҥҥа…
От ыйын 4-8 күннэригэр Дьокуускайдааҕы VIII норуоттар икки ардыларынааҕы киинэ бэстибээлэ ыытыллыаҕа. Быйылгы бэстибээл сүрүн…
Бүгүн Мииринэй оройуонугар баар «Саха сирин тыыннаах алмаастара» пааркаҕа («Живые алмазы Якутии») пааркаттан үөрүүлээх сонун…
Өлүөхүмэҕэ саҥа оҕо поликлиникатын үөрүүлээхтик астылар. Урут поликлиника 1980-с сыллардааҕы дьиэҕэ баар эбит. Билигин тэрилтэҕэ…