Саха сиригэр судаарыстыбаннай баһаарынай сулууспа 15 сылын бэлиэтээтилэр

Ахсынньы 28 күнүгэр Дьокуускайга Саха сирин баһаарынай сулууспата төрүттэммитэ 207 сылыгар уонна Судаарыстыбаннай баһаарынай сулууспа 15 сылыгар аналлаах үөрүүлээх тэрээһин буолан ааста.

Бырааһынньык чэрчитинэн баһаарынайдар хорсун быһыылара бэлиэтэннэ. Бу туһунан СӨ Ил Дарханын уонна Бырабыыталыстыбатын пресс-сулууспата суруйар. Өрөспүүбүлүкэ вице-премьера Дмитрий Садовников Саха сирэ дойду үрдүнэн баһаартан куттал суох буолуутун туһунан сокуону бастакынан олоххо киллэрбитин бэлиэтээтэ. «Саха сирин баһаарынай сулууспата икки сүүс сыллаах былаһын тухары гражданнар куттала суох буолууларын бигэтик көмүскүүр.

Бүгүн Саха сирин баһаарынай сулууспата ханнык баҕарар баһаартан сэрэхтээх буоларга көмүскүүр күүстээх салаа буоларын көрдөрөр. Хорсун Дьоруойдар үлэлэрин дьону-сэргэни быыһыырга аныыллар. Баһаарынайдар ханнык баҕарар кэмҥэ күнүстэри-түүннэри көмөлөһөргө мэлдьи бэлэмнээхтэрин көрдөрөллөр. Бу улахан суолталаах күҥҥэ дьолу-соргуну, эйэни, доруобуйаны баҕарабын», — диэтэ Дмитрий Садовников.

Тэрээһиҥҥэ Саха сирин Бырабыыталыстыбатын, ЫБММ, биэдэмистибэлэр, Дьокуускай уокуруктааҕы дьаһалтатын уонна куорат Дууматын наҕараадаларын туттардылар.