Хаартыска: Андрей Сорокин, СИА
Ахсынньы 4 күнүгэр Саха сирин Ил Дархана Айсен Николаев судаарыстыбаннай уонна муниципальнай сулууспалаахтар идэлэрин баһылааһыҥҥа хоруупсуйны утары үлэни сүрүннээһини көрдө.
Таһымы үрдэтэр куурустар 2021-2024 сылларга хоруупсуйаны утары үлэ былааныгар олоҕурар. 2023 сылга хоруупсуйаны бохсуу ирдэбиллэригэр үөрэтиини 198 киһи ааспыт, быйыл 258 киһи үөрэниэхтээх. Маннык идэтийбит бэлэмнээһини Айсен Николаев хоруупсуйаҕа кэһиилэри сэрэтиигэ бэлэмнээһин курдук сыаналаата.
“Эдэр исписэлиистэри уонна уопуттаахтары хоруупсуйаны бохсуу эйгэтигэр үөрэтии туһааннаах быраабы кэһиини сэрэтиигэ көмөлөһөр. Хас биирдии киһи хоруупсуйа туһунан ирдэнэр билиилээх уонна өйдөбүллээх. Оттон бүддьүөт эйгэтин сулууспалаахтарыгар уонна үлэһиттэригэр кинилэр билиэхтээх ирдэбиллэрэ олохтоммуттара. Дойдубут Бэрэсидьиэнэ Владимир Путин бигэргэппит хоруупсуйаны уодьуганнааһын национальнай былааныгар уонна өрөспүүбүлүкэбит былааныгар бу хайысхаҕа кэккэ тэрээһиннэр торумнаналлар”, — диэтэ Саха сирин баһылыга.
Айсен Николаев үлэ ыытылларын үрдүнэн, хатыланар алҕастар, ол иһигэр нуормалыыр быраап аахталарыгар тахсалларын эттэ. Мунньахха маны тэҥэ гражданскай уонна муниципальнай сулууспалаахтартан ирдэнэр дохуот уонна ороскуот, баай-дуол ыспыраапкаларын бэрэбиэркэлээһин түмүгүн көрдүлэр. Ааспыт сыллары кытта тэҥнээтэххэ, балаһыанньа тупсубут – декларация хампаанньатын түмүктэринэн аҕыйах кэһии бэлиэтэммит.
Саха Өрөспүүбүлүкэтин Ил Дарханын уонна Саха Өрөспүүбүлүкэтин Бырабыыталыстыбатын пресс-сулууспата
Ахсынньы 13-15 күннэригэр Москва куоракка «Твой Ход – 2025» Бүтүн Арассыыйатааҕы устудьуоннар пуорумнара ыытылларынан, «Сыл…
Дьокуускайга административнай дьиэҕэ тахсыбыт киһи өлүүлээх баһаар холуобунай дьыалатыгар бириигэбэри таһаардылар. Бу туһунан ахсынньы 16…
Бүгүн, ахсынньы 16 күнүгэр, Дьокуускайга Российскай Федерация бочуоттаах полярнигын Николай Находкин «Санников сиригэр эспэдииссийэ» диэн…
Өрөспүүбүлүкэ агробырамыысыланнай комплексын 2025 сыллааҕы үлэтин түмүктүүр мунньаҕар бастыҥ муниципальнай оройуоннар бэлиэтэннилэр. Бу туһунан СӨ…
Тымныыттан эчэйии үксэ арыгы иһииттэн тахсар диэн Өрөспүүбүлүкэтээҕи 2 №-дээх балыыһатын - Суһал мэдиссиинэ көмөтүн…
Тэрээһиннэргэ байыаннай дьайыы бэтэрээннэрэ уонна кыргыһыы хонуутугар охтубут дьон дьиэ кэргэттэрин чилиэннэрэ, барыта 28 тыһыынчаттан…