Хаартыска Ил Дархан Телеграмм-ханаалыттан
Саха сиригэр ааспыт суукка иһигэр Абый, Үөһээ Халыма, Үөһээ Дьааҥы, Бүлүү, Муома, Аллараа Халыма, Орто Халыма, Томпо уонна Эбээн-Бытантай улуустарынан 2 373,5 га иэннээх 16 ойуур баһаарын уонна 23 870 га иэннээх 2 ландшафтнай баһаары умуруордулар.
Бу туһунан эрэгийиэн суһал ыстааба иһитиннэрэр. Атырдьах ыйын 5 күнүн сарсыардатыгар 80 507 га иэннээх сиргэ 33 ойуур баһаара умайа турар.
Тэҥнээн көрөр буоллахха, ааспыт сыл бу күнүгэр 565 561,2 га иэннээх сиргэ 68 ойуур баһаара баара. Билиҥҥи туругунан баһаардары умуруорууга 240 киһи тардылынна. Күүстэр уонна сэп-сэбиргэл балаһыанньаттан көрөн эбиллэ тураллар.
СӨ Бырабыыталыстыбатын уурааҕынан, ыам ыйын 1 күнүттэн өрөспүүбүлүкэ сиригэр-уотугар баһаартан сэрэхтээх буолуу эрэсиимэ биллэрилибитэ. СӨ Ил Дарханын ыйааҕынан, бэс ыйын 5 күнүттэн өрөспүүбүлүкэ сиригэр-уотугар баһаартан сэрэхтээх буолуу ураты эрэсиимэ киирбитэ. Ону таһынан, Үөһээ Дьааҥы, Өлүөхүмэ, Чурапчы уонна Эбээн-Бытантай улуустарыгар баһаартан сэрэхтээх буолуу ураты эрэсиимнэрэ биллэриллибиттэрэ.
Ойуур баһаардарыттан сэрэхтээх буолуу кэмэ саҕаланыаҕыттан Саха сиригэр уопсайа 77 252,8 га иэннээх сиргэ 270 ойуур баһаара умуруорулунна. Айылҕа баһаарын буллаххытына, Ойуур хаһаайыстыбатын эрэгийиэннээҕи диспетчерскэй сулууспатыгар бу нүөмэргэ эрийиҥ: 7 (4112) 44-74-76. Ону таһынан, ойуур хаһаайыстыбатын биир кэлим нүөмэригэр эрийиэххитин сөп: 8-800-100-94-00.
Үлэлиир төрөппүттэр оҕо 1,5 сааһын туолуор диэри оҕо көрөн олорорго бэриллэр босуобуйаны ылар кыахтаахтар. …
Алтынньы 17 күнүгэр Алгыстаах Арчы Дьиэтигэр Саха Өрөспүүбүлэкэтигэр Ийэлэр, Арассыыйаҕа Аҕалар күннэригэр "Ийэ, аҕа тапталынан"…
Арассыыйаҕа чугастааҕы 5-10 сылынан дрону улахана суох таһаҕаһы, буостаны уонна маркетплейс нөҥүө сакааһы тириэрдиигэ туһаныллыаҕа…
Үөһээ Бүлүү улууһун суута Холуобунай кодекс 158 ыст. 3 ч., “г” п. (баан каартатыттан харчы…
“Эн тугу аһыыгын да, оннук буолаҕын” диэн нуучча өһүн хоһооно баар. Кырдьык, киһи химическэй эттиктэр…
Варвара Сергеевна Иванова-Зверева салайааччылаах СӨ бэтэрээн педагогтарын Сэбиэтин дэлэгээссийэтэ Н.И. Шарин аатынан киин куорат 39…