Саха сиригэр суукка иһигэр икки массыына күрэппиттэр

Саха сирин борокуратуурата иһитиннэрэринэн, ааспыт сууккаҕа өрөспүүбүлүкэҕэ түөрт буруйу оҥоруу бэлиэтэммит.

Бу туһунан биэдэмистибэ биллэрдэ.

Дьокуускайга уонна Алдан оройуонугар «Subaru Forester» уонна «Toyota Prius» массыыналары күрэппиттэр. Маны таһынан, киин куоракка наркотигы сокуоннайа суох эргиниигэ сыһыаннаах буруйу оҥоруу тохтотулунна.

Бүлүү улууһун Төһүү нэһилиэгин олохтооҕуттан түөкүттэр «микрозайм оҥоробут» диэн албыннаан 390 тыһыынча солкуобайын уорбуттар.

Хаҥалас улууһугар киһи эчэйиилээх икки суол быһылаанатаҕыста. Суукка иһигэр сэттэ итирик суоппар тутулунна.

Санатар буоллахха, олунньу 17 күнүн түүнүгэр Бүлүү улууһугар баһаар түмүгэр 56 сүөһү уокка былдьаммыта.