Саха сиригэр суукка иһигэр түөрт баһаары умуруордулар

Саха сиригэр суукка иһигэр түөрт баһаары умуруордулар: үс ойуур баһаарын уонна биир ландшафтнай баһаары. Билигин икки ойуур баһаара баар диэн СӨ Экологияҕа миниистирин солбуйааччы Андрей Коноплев иһитиннэрэр.

Бэс ыйын 14 күнүгэр Өлүөхүмэ улууһугар бэлиэтэммит ойуур баһаара умуруорулунна. 1900 га умайбыт сиргэ сүүстэн тахса киһи үлэлээтэ, ол иһигэр «Якутлесресурс», «Авиалесоохрана» үлэһиттэрэ уонна олохтоохтор. Улууска биллэриллибит ыксаллаах быһыы-майгы эрэсиимэ уһулунна.

Итиэннэ Уус Маайаҕа уонна Усуйаанаҕа барыта 1 тыһыынча га иэннээх сиргэ умайбыт  ойуур баһаардарын умуруордулар. Өймөкөөҥҥө 0,5 га иэннээх ландшафтнай баһаар бохсулунна.