Саха сиригэр суукка устата 6 ойуур баһаарын умуруордулар

Ааспыт сууккаҕа Саха сиригэр 1 545,7 га иэннээх 6 ойуур баһаарын умуруордулар. Бу туһунан өрөспүүбүлүкэ суһал ыстааба иһитиннэрэр. 

Ол курдук, ойуур баһаардарын Орто Халыма, Уус Маайа, Бүлүү уонна Нерюнгри оройуоннарыгар умуруордулар.

Итиэннэ 532 га иэннээх 10 саҥа ойуур баһаара булулунна: 6 — Алдаҥҥа, 2 — Уус Маайаҕа, 1 — Кэбээйигэ, 1 — Намҥа.

Балаҕан ыйын 1 күнүгэр уопсайа 33 622 га иэннээх сиргэ умайар 37 ойуур баһаара баар: 14 — Өлүөхүмэҕэ, 12 — Алдаҥҥа, 4 — Нерюнгрига, 3 — Уус Маайаҕа, 2 — Ньурбаҕа, 1 — Кэбээйигэ, 1 — Намҥа.

Уоту умуруорууга 358 киһи уонна 21 тиэхиньикэ үлэлиир.