Саха сиригэр суукка устата 9 ойуур баһаарын умуруорбуттар

Саха сиригэр суукка устата 9 ойуур баһаарын умуруорбуттар

22.06.2024, 15:43
Хаартыска: www.sakha.gov.ru
Бөлөххө киир:

Бу туһунан бэс ыйын 22 күнүнээҕи брифинг кэмигэр Экология, айылҕаны туһаныы уонна ойуур хаһаайыстыбатын миниистирин солбуйааччы Андрей Коноплев иһитиннэрдэ.

“Ааспыт сууккаҕа ойуур тэрилтэлэрин түмсүүлэрин күүһүнэн Мииринэй, Нерюнгри, Аллараа Халыма, Орто Халыма, Томпо, Усуйаана улуустарыгар 1 428,3 га иэннээх 9 ойуур баһаарын  умуруордулар. Өлүөхүмэ улууһугар уопсайа 2 308 гектар иэннээх ойуур баһаарын боҕустулар” – диэн Андрей Коноплев иһитиннэрдэ.

Ааспыт сууккаҕа өрөспүүбүлүкэҕэ авиация, космическай кэтээн көрүү түмүгэр Дьааҥы, Өймөкөөн, Өлүөхүмэ, Орто Халыма, Томпо улуустарыгар 2 478 га иэнээх 10 ойуур баһаара булулунна. Баһаары умуруорууга барыта 1 012 киһи уонна 43 тиэхиньикэ сыһыарыллыбыта.

Орто Халыма улууһун Сылгы Ыытар сэлиэнньэтин аттыгар баар баһаары умуруорууга күүһү эбэллэр. “Бөлөх 119 киһиэхэ уонна 5 тихиньикэҕэ тиийэ эбилиннэ. Тустаах баһаарыы тохтотууга үлэ ыытыллар” – диэн эттэ.

 Ил Дархан уонна Бырабыыталыстыба пресс-сулууспата.

+1
0
+1
0
+1
0
+1
0
+1
0
+1
0
+1
0
Бары сонуннар
Салгыы
21 июля
  • 28°C
  • Ощущается: 28°Влажность: 39% Скорость ветра: 2 м/с

Сообщить об опечатке

Текст, который будет отправлен нашим редакторам: