Саха сиригэр суукка устата ойуурга 8 баһаары умуллардылар
![](https://sakha-sire.ru/wp-content/uploads/2024/07/stryuk.jpg)
Саха сиригэр суукка устата 33 тыһыынча гектардаах сиргэ ойуурга 8 баһаары умуллардылар.
Бу туһунан брифиҥҥэ экологияҕа, айылҕаны туһаныыга уонна ойуур хаһаайыстыбатыгар миниистири солбуйааччы Андрей Коноплев иһитиннэрдэ.
Баһаардары Алдан, Амма, Кэбээйи, Мииринэй, Өлүөхүмэ, Сунтаар, Уус Маайа оройуоннарыгар умуллардылар.
Ол да буоллар, авиациянан уонна космостан кэтээн көрүүгэ 2 тыһыынча гектарга 11 саҥа сиргэ тыаҕа уот турда.
Суукка саҕаланыыта Саха сиригэр 159 ойуур баһаара уонна сиринэн баһаар бэлиэтэннэ. Алдан, Бүлүү, Ленскэй, Уус Маайа оройуоннарыгар 42 тыһыынча гектарга 4 баһаары хаптаттылар.
Бу үлэҕэ 1827 киһи уонна 143 тиэхиньикэ үлэлииллэр. Авиация туһаныллар. Як-40 зондировщик-сөмөлүөт Саха сирин илин өттүгэр уонна Алдан оройуонугар үлэлиир. Саха сиригэр“Авиалесоохрана” ФБТ киирсэр үһүс зондировщик сөмөлүөт кэлэрэ күүтүллэр.
Саха Өрөспүүбүлүкэтин Ил Дарханын уонна Саха Өрөспүүбүлүкэтин Бырабыыталыстыбатын пресс-сулууспата
Сообщить об опечатке
Текст, который будет отправлен нашим редакторам: