Хаартыска: sakha.gov.ru
Ойуур баһаарын бохсооччулар күүстэринэн Саха сиригэр сууккаҕа 24675 гектар иэннээх сиргэ 17 ойуур баһаара умуруорулунна.
Бу туһунан бүгүн, бэс ыйын 21 күнүгэр, брифиҥҥэ Экология, айылҕа харыстабылын уонна ойуур хаһаайыстыбатын миниистирин солбуйааччы Андрей Коноплев иһитиннэрдэ.
Баһаарынайдар Алдан, Усуйаана, Горнай, Кэбээйи, Нерюнгри, Өймөкөөн, Өлүөхүмэ, Орто Халыма улуустарыгар ойуур баһаарын тохтоттулар.
Космостан уонна авиациянан кэтээн көрүү түмүгүнэн 11 улууска 28 айылҕа баһаара турбута бэлиэтэннэ, ол иһигэр 13 134 гектар сиргэ 22 ойуур уонна 6 ландшафтнай ойуур баһаара: Абый, Аллайыаха, Үөһээ Халыма, Үөһээ Дьааҥы, Мииринэй, Аллараа Муома, Аллараа Халыма, Нерюнгри, Өлүөхүмэ, Орто Халыма уонна Усуйаана оройуоннарыгар.
Мииринэй, Үөһээ Дьааҥый, Өлүөхүмэ оройуоннарыгар 2048 гектар иэннээх сигэ 6 ойуур баһаара умуорулунна. Саха сирин үрдүнэн баһаары умуруорууга 1 тыһыынча кэриҥэ киһи үлэлиир. 45 тиэхиньикэ тардылынна. Элбэх уот күөдьүйбүтэ ордук Арктика оройуоннарыгар баара билиннэ.
Орто Халыма оройуонун Сылгы Ыытар сэлиэнньэтин аттыгар уоту умуруорууга күүһүрдүү үлэтэ салгыы ыытыллар. Дьокуускайтан эбии 17 ойуур баһаарынайа көттө. Бэҕэһээ Ми-8 бөртөлүөтүнэн 10 сырыы уу куппутун туһунан иһитиннэрдилэр (20 туонна кэриҥэ).
Куйаар ситиминэн «Санаа быраас» диэн илии баттааһыннаах тэттик суруйуулар кэлэр буолбуттара балай да кэм буолла.…
Тохсунньу 5 күнүгэр Ньурба улууһугар 1955 с.т. дьахтар сүппүтүн туһунан СӨ Быыһыыр сулууспатын пресс-сулууспата иһитиннэрбитэ.…
Тохсунньу Таҥха ыйынан биллэр. Сыл ахсын сүллүүкүттэр хаһан тахсар этилэрий, ойбонтон хаһан уу ылар этибитий…
Бүгүн, тохсунньу 7 күнүгэр, өрөспүүбүлүкэ илин, соҕуруулуу-илин өттүгэр сөҥүү түһэрэ күүтүллүбэт. Мантан атын оройуоннарга кыралаан…
Саҥа дьыллааҕы бырааһынньыктар түмүктэнэн, симэммит харыйалары хомуйар кэм чугаһаата. Астрологтар маннык күннэргэ харыйаны хомуйары сүбэлииллэр:…
Судаарыстыбаннай Дуумаҕа дьиэ кэргэҥҥэ үһүс уонна онтон кэлэр оҕолор төрөөтөхтөрүнэ дьиэ кэргэн ипотекатын ыстаапкатын намтатар…