Хаартыска: www.sakha.gov.ru
Саха сиригэр сууккаҕа 3 ойуур баһаара умуруорулунна, ол иһигэр «Дьокуускай куорат» уокуругар уонна 11 саҥа уот турбута булулунна. Бу туһунан Саха сирин суһал ыстаабын мунньаҕар Экология, айылҕа харыстабылын уонна ойуур хаһаайыстыбатын миниистирин солбуйааччы Андрей Коноплев иһитиннэрдэ.
Бэс ыйын 2 күнүнээҕи туругунан, Саха сиригэр 18 448 гектар уонна биир ландшафтнай баһаар 50 гектар иэннээх сирдэргэ барыта 17 ойуур баһаара турбута биллэр. 11 ойуур баһаарын бохсор үлэтэ ыытыллар. Ойуур баһаардара Бүлүү, Ньурба, Томпо, Сунтаар, Өлүөхүмэ, Уус Алдан, Хаҥалас, Горнай улуустарыгар уонна «Дьокуускай куорат» уокуругар бэлиэтэннилэр.
Санаттахха, Алдан, Амма, Бүлүү, Үөһээ Дьааҥы, Өлүөхүмэ, Сунтаар уонна Таатта улуустарыгар ураты баһаарынай эрэсиим биллэриллибитэ.
Андрей Коноплев бэлиэтээбитинэн, ойуур баһаарын умуруорууга барыта 616 киһи үлэлээтэ, ол иһигэр 485 ойуур баһаарын бохсуу хамсааһыннара, 108 киһи тардылынна уо.д.а. Сүрүн сорук Уус Алдан, Хаҥалас, Бүлүү улуустарын суһаллык баһаары бохсууга турар.
Уустук суоллаах-иистээх, тырааныспар тиийбэт, баһаар турбут сиригэр Өлүөхүмэ улууһугар уустук быһыы-майгы бэлиэтэнэр. Үөһээ Дьааҥы, Ньурба улуустарыгар баһаары умуруорарга авиация тардылынна. Томпо улууһугар ойуур баһаарын чинчийиигэ салгын суудуната көттө. Ону сэргэ маннык үлэ Бүлүү, Сунтаар уонна Горнай улуустарыгар барар. Сарсыарда Сунтаар уонна Горнай улуустарыгар баһаары сэрэтиигэ кэтээн көрүүлэр ыытыллаллар.
Саха сиригэр баһаарынай сезон ыам ыйын 6 күнүттэн аһыллыбыта. Бу кэм иһигэр Саха сиригэр 44 ойуур баһаара бэлиэтэммит. Муниципальнай таһымнаах ыксаллаах-быһыы майгы ыам ыйын 29 күнүттэн 2024 сылга диэри үлэлиэҕэ.
Олохтоох салайыныы уорганнарыгар ыксаллаах быһыыны-майгыны сэрэтиигэ уонна туоратыыга туһуламмыт дьаһаллар комплекстарын толорууну хааччыйалларыгар сүбэлээтилэр. Быйыл Саха сиригэр ойуур баһаарын бохсууга 50 салгын суудуналар уонна пилота суох көтөр аппарааттар үлэлиэхтэрэ. Ону сэргэ икки сөмөлүөт зондировщиктары үлэлэтэр былааннанар.
Бүгүн Өлүөнэ эбэ күнүн чэрчитинэн уонна «Вода России» бүтүн Арассыыйатааҕы аахсыйанан киэҥ хабааннаах экологическай субуотунньук…
Далааһыннаах күрэхтэһии сэттис күнэ түмүктэннэ. Кыайыылаахтары наҕараадалааһын үөрүүлээх быһыыга-майгыга буолла. Дьокуускайга Комсомол болуоссатыгар бүгүн тустууга…
Дьокуускайга «Абырал» санаторий баазатыгар байыаннай сулууспаҕа хантараагынан сулууспалыан баҕалаахтары Биир кэлим сүүмэрдиир пууҥҥа күүтэллэр. Хантараагынан…
"Азия оҕолоро" оонньууларын боксаҕа күрэхтэһиитигэр бүгүн Саха сирин туһатыгар икки боруонса мэтээл кэллэ. Кыргыттарга Саяна…
"Триумф" успуорт уораҕайыгар кулгаахтарынан мөлтөхтүк истэр спортсменнар туһуннулар. Сүмэрдэммит хамаанда тустууктара кыһыл, үрүҥ көмүс уонна…
Ил Дархан Айсен Николаев “Россия 24” телеханаал быһа эпииригэр ойуур баһаардарын умулларыыга ыытыллар үлэлэр тустарынан…