Саха сиригэр сууккаҕа 6 ойуур баһаарын умуруорбуттар

Саха сиригэр 3 ойуур баһаара уонна 3 ландшафтнай баһаар ааспыт сууккаҕа умуруорулунна, диэн СӨ Суһал ыстааба иһитиннэрэр.

Онуоха космическай уонна авиационнай кэтээн көрүү түмүгэр 30,5 гектар иэннээх уонна 25 гектар иэннээх сиргэ ландшафтнай баһаар Дьааҥы, Ленскэй, Нам, Таатта уонна Хаҥалас территорияларыгар булулуннулар.

Ыам ыйын 25 күнүнээҕи туругунан Саха сиригэр 6 ойуур баһаара Дьааҥы, Ленскэй, Кэбээйи уонна Эбээн-Бытантай оройуоннарын территорияларыгар, ону тэҥэ икки ладшафтнай баһаар Дьааҥы уонна Кэбээйи улуустарыгар бааллар.

Сезон саҕаланыаҕыттан барыта Саха сирин үрдүнэн 257 ойуур баһаара умуруоруллубут. Баһаар сүрүн биричиинэтинэн киһи буолар. Сезон саҕаланыаҕыттан ойуур баһаарыгар 32 буруйдаах биллибит, 74 боротокуол оҥоһуллубут. Дьааҥы оройуонун уонна «Дьокуускай куорат» куорат уокуруктарынан ураты баһаартан сэрэхтээх буолуу эрэсиимэ үлэлиир.