Хаартыска sakha.gov.ru ылылынна
Эрэгийиннээҕи бырагыраама иитинэн 260-тан тахса дьиэ өрөмүөннэнэр. Бу туһунан бастакы вице-премьер Дмитрий Садовников иһитиннэрдэ.
Бүгүҥҥү туругунан уопсайа 99 дьиэҕэ өрөмүөн үлэтэ бүппүт. Былааннаммытынан акылааттара, кырыыһалара, лифтэрэ, инженернэй ситимнэрэ саҥардыллыбыттар, онтон да атын үлэлэр ыытыллыбыттар. Атын дьиэлэргэ үлэ салҕанар.
Үлэ улахан өттө Дьокуускайга ыытыллар. Олор ортолоругар — Каландаришвили, 40/6 уонна Лермонтов уул., 92/2 бааллар. Баларга Бырабыыталыстыба бэрэссэдээтэлин бастакы солбуйааччы сылдьан үлэни-хамнаһы көрбүт, бэрэбиэркэлээбит.
«Үлэлэр хаачыстыбалаахтык толоруллубуттар. Балконнары ситэрэн оҥоруохтара. Оттон сотору кэминэн эбийиэктэри түмүктээн туттарыахтара», — диир кини.
Былырыын 240 дьиэҕэ хапытаалынай өрөмүөн ыытыллыбыта. Алта сыл устатыгар биир тыһыынчаттан тахса дьиэ саҥардылынна.
Элбэх кыбартыыралаах дьиэлэргэ хапытаалынай өрөмүөнү оҥоруу уочарата дьиэ тэхиньиичэскэй туругар олоҕуран эрэгийиэннээҕи бырагырааманан быһаарыллар.
СӨ Ил Дарханын уонна Бырабыыталыстыбатын пресс-сулууспата
Арҕааҥҥылары Зеленскэй эҥин араастык сордоон-муҥнаан сэриигэ кыттыһыннара сатыыр. https://t.me/sakhasire20/46123
Соторутааҕыта Таатта улууһун Чычымах сэлиэнньэтигэр ититэр ситим тыраассатын саҥардан оҥоруу киин ититэр ситими саҥардыыга ситиһиилээх…
Бэчээттиир станок айыллыбыта үйэ аҥаара ааспытын кэннэ, 1501 сыллаахха Гутенберг кырасыабай курсива айыллыбыт. Аан бастаан…
Ыччат каадырга киинэ бүгүн, алтынньы 25 күнүгэр, үөрүүлээх быһыыга-майгыга арылынна. Уһук Илиҥҥэ аан бастакы киин…
Дьокуускайга Ойуунускай уулусса 20/1 дьиэтэ 45 сыллааҕыта тутуллубута. Саха Өрөспүүбүлүкэтигэр Элбэх кыбартыыралаах дьиэлэри хапытаалынайдык өрөмүөннээһин…
Социальнай ситимнэринэн Птицефабрика оройуонугар видео тарҕаммыт. Ролик ааптардара Дьокуускай таһыгар хаарга тыҥырахтаах атах суолун тыатааҕы…