Саха сиригэр сыл бүтүөр диэри 90-тан тахса элбэх кыбартыыралаах дьиэни үлэҕэ киллэриэхтэрэ
![](https://sakha-sire.ru/wp-content/uploads/2023/02/8f706738-79ba-408c-9115-658128bee68f-111-e1671574766617-960x640-1-960x596.jpeg)
СӨ Баһылыгын иһинэн олохтоох бэйэни салайыныы сэбиэтин мунньаҕар «2019-2025 сс. хаарбах дьиэлэртэн көһөрүү» тус сыаллаах өрөспүүбүлүкэтээҕи бырагыраама туолуутун көрдүлэр.
Айсен Николаев өрөспүүбүлүкэ хаарбах дьиэттэн дьону көһөрүүгэ саамай улахан кээмэйдээх бырагырааманы олоххо киллэрэрин бэлиэтээн эттэ. Саха сиригэр 2023 с. бүтүөр диэри 90-тан тахса элбэх кыбартыыралаах дьиэ киирэрэ былааннанар.
«2025 с. бүтүөр диэри өрөспүүбүлүкэтээҕи аадырыстаммыт бырагыраама чэрчитинэн 61,3 тахса киһи көһөрүллэрэ уонна 1,1 мөл. кв.м. хаарбах дьиэ көтүрүллэрэ былааннанар», – диэн бэлиэтээтэ Айсен Николаев.
Бырагыраама уопсай суумата 120 млрд солк. тахса, ол иһигэр территориялары сайыннарыы пуондатыттан 89 млрд. 750,4 мөл. солк. үбүлэнэр.
Ил Дархан дьону хаарбах дьиэттэн көһөрүү кыраапык быһыытынан баран иһэрин бэлиэтээн эттэ. 2024-2025 сс. бу хайысхаҕа сүрүн соруктар тураллар. Айсен Николаев СӨ Бырабыыталыстыбатыгар Территориялары сайыннарыы пуондатын кытары бу хайысхаҕа угуллубут үп боппуруоһун быһааралларыгар соруйда.
«Хаарбах дьиэттэн дьону көһөрүү – эһиги быһаччы эбээһинэскит. Биһиги бырагырааманы толору олоххо киллэриэхтээхпит», – диэтэ Айсен Николаев.
Сообщить об опечатке
Текст, который будет отправлен нашим редакторам: