Хаартыска: СИА
Сыл саҕаланыаҕыттан дьарыктаах буолуу сулууспалара 252 инбэлииттээх киһини үлэҕэ киллэрдилэр диэн СӨ Нэһилиэнньэ дьарыктаах буолуутун судаарыстыбаннай кэмитиэтэ иһитиннэрэр.
Бэйэтигэр сөптөөх үлэни көрдөөн 539 инбэлииттээх киһи кэлбититтэн 46,7 %-на булбут. Үлэтэ суоҕунан бэриллэр босуобуйа 180 киһиэхэ анаммыт. Идэҕэ үөрэтиигэ 29 киһи ыытыллыбыт. 456 киһиэхэ ханнык идэлэр баалларын билиһиннэрэр судаарыстыбаннай өҥө оҥоһуллубут.
Урукку курдук ураты болҕомто эдэр инбэлииттэр үлэ булалларыгар ууруллар. Дьону кытта үлэлии үөрэтэр судаарыстыбаннай өҥөнү инбэлииттээх 176 киһи ылбыт. 11 киһиэхэ бэйэтин дьыалатын арынарыгар биирдэ бэриллэр үбүнэн өйөбүл оҥоһуллубут.
Статистика этэринэн, саамай наадалаах дьонунан силиэсэр, оробуочай, дьиэни хомуйааччы, инженер, суол оробуочайа, суоппар, исписэлиис, менеджер, диспетчер, дьиэ таһын хомуйааччы эбиттэр.
Инбэлииттээх дьону үлэҕэ киллэриигэ үлэ миэстэтин кубуоталааһын улахан оруолу ылар. Бу чэрчитинэн “Алроса” ПАУо, “Саха сирин тимир суоллара” АУо, “Колмар” ХЭУо УК, “Якутуголь”ПАУо, оскуолалар, балыыһалар, уһуйааннар үлэ миэстэтин таһаараллар.
Өрөспүүбүлүкэҕэ 1068 тэрилтэҕэ 3163 үлэ миэстэтигэр инбэлиттээх дьону үлэҕэ ылыыга кубуота олохтоммута. Кубуотанан үлэлиир инбэлииттээх киһи ахсаана — 2338.
Ордук чаастатык үлэ биэрээччилэринэн “Арассыыйа буостата” АУо, “Алроса” ПАУо, “Ростелеком” ПАУо, “Хоту сир аэропортара” ФКП, “ДЭК” Энергосбыт” ПАУо, “Якутцемент” АУо, “Транснефть-Восток” ХЭУо, “Колмар” ХЭУо УК, “Якутуголь” ААУо ХК, ону тэҥэ оскуолалар, балыыһалар, уһуйааннар буолаллар.
Инбэлииттэр федеральнай реестрдэрэ көрдөрөрүнэн, 2024 сыл атырдьах ыйын 1 күнүгэр өрөспүүбүлүкэҕэ олорор инбэлииттээх киһи ахсаана 52147, ол иһигэр үлэлиир саастаах киһитэ – 28037, ол онтон үлэлиирэ – 8343 (29,8 %). Бу дойду көрдөрүүтүттэн 1,9 %-нан улахан. Бу дааннайынан өрөспүүбүлүкэ дойду эрэгийиэннэрин иһигэр 21 миэстэҕэ, Уһук Илин уокуругар иккис миэстэҕэ сылдьар.
“Айар “ национальнай кыһа “Выдающиеся люди республики “ сиэрийэтинэн бу күннэргэ төрөөбүтэ 100 сыла бэлиэтэнэр…
Байыаннай дьайыы бааһырбыт кыттыылааҕын көрөргө-харайарга төрөппүтүгэр уонна кэргэнигэр эбии төлөммөт уоппуска бэриллэр. Госдума бу сокуону…
Дьокуускай куоракка Бүтүн Арассыыйатааҕы “Сыл дириэктэрэ” идэ күрэһин өрөспүүбүлүкэтээҕи түһүмэҕэ ыытылла турар. Тэрийээччилэр иһитиннэрэллэринэн, идэ…
Бу күннэргэ ыһаарыламмыт собо "Саха сирэ" хаһыат үрдүгэр уруһуйдаммыта социальнай ситимнэринэн тарҕана турар. Мин эмиэ,…
Саха сирин баһылыга Айсен Николаев А.С.Пушкин аатынан Нуучча драматическай судаарыстыбаннай академическай тыйаатырын дириэктэрэ Александр Лобановы…
Аллайыаха улууһун Чокуурдаах бөһүөлэгэр ыт ииримтийэн ыалдьыбыта бэлиэтэммит. Бу кутталлаах ыарыыны бэйдиэ сылдьар ыттан булбуттар…